Accueil Tamazight Lezzayer deg umḍiq wis sin s 216 n cciɛat

LEZZAYER TAMANEƔT - Tessuli tezrigt tis 3 n Turarin Tifriqiyin n Yilmeẓyen : Lezzayer deg umḍiq wis sin s 216 n cciɛat

929
- PUBLICITÉ -

Ass n ssebt tameddit, deg usuddis ulimpik Mohamed Boudiaf deg Lezzayer Tamaneɣt, i tekfa s wudem unṣib tezrigt tis kraḍet (3) n turarin tifriqiyin n yilemẓyen(JAJ-2018). D tameɣra i d-yesseknen cbaḥa d timmeṛkantit n yidles afriqi. Ɣer taggara n tesfugla-a, teddem tgelda n Lesotho nnuba-ines , i wakken ad tessuddes tuzya tis 4 n turarin-a deg tmurt-is, deg useggas n 2022. D aneɣlaf amenzu , Ahmed Ouyahia, i d-iberḥen s wudem unṣib, s yisem n uselway n tagduda, Abdelaziz Bouteflika, s keffu n tezrigt tis 3 n turarin tifriqiyin n yilemẓiyen (JAJ-2018). Tafugla daɣen, ideg ḥedṛen deg-s ddeqs n yiwudam yesɛan azal d yiɛeggalen n yinubaḍ ifriqiyen yemxallafen (iselwayen, igelda), ɣer yidis n yismawen yesɛan azal deg waṭas n tsudutin tinaddalin tigraɣlanin i d-yerzan, i wakken ad ilin deg turarin timenẓawanin. Menbeɛd, mraw (10) n wussan n temssizzelt, ideg ttikin wugar n 3.000 n yinaddalen deg 30 n tugrinin yemgaraden, i igensen n 54 n tmura tifriqiyin timtekkiyin deg tezrigt-a n useggas-a, i d-yellan dagi di tmurt n Lezzayer gar 18 alamma d 28 yulyu 2018. Tamurt n Lezzayer i d-isuddsen tazrigt-a, teṭṭef amḍiq wis sin deg umyezwar amatu n cciɛat, menbeɛ amḍiq amezwaru i teṭṭef tmurt n Maṣer. Inaddalen Izzayriyen ḥellalen-d azal n 2016 n cciɛat, gar-asent 69 n wureɣ (ddheb), 64 n lfeṭṭa akked 83 n unedrez (Bronze). Ma si tama-s, aneɣlaf n yilmeẓyen d waddal mass Hattab Mohamed, yenna-d : « Igemmaḍ-agi gerrzen, ulamma ur nurǧa ara annect-a, maca d ayen yessefraḥen, imi i d-nufrar 54 n tmura deg umkan wis sin deffir n Maṣer. Acu kan mazal aheggi n yinaddalen-agi i ttiɛadat i d-iteddun…».

- PUBLICITÉ -

Ghani Amazigh

- PUBLICITÉ -