Par DDK | 6 Aout 2018 | 753 lecture(s)

Tiwaɣiyin n yiberdan

1 510 n lmeytin d 16 022 n yimejraḥ di setta wagguren

Azal n 1 510 n yimdanen i yemmuden d wazal n 16 022 i yettwajerḥen deg 11 507 n twaɣiyin n yiberdan, i d-yeḍran seg umsedis (6 wagguren) amezwaru n useggas-agi n 2018, deg wakal n tmurt merra. D uṭṭunen i d-yefka ass-nni n larebɛa 25 yulyu 2018, Wammas Aɣelnaw n Useḥbiber ɣef Tɣelist n Yiberdan (CNPSR), i d-ssuzren ass-nni dɣa Srabes n Yisallen Izzayriyen (APS). Alaḥsab dɣa n uɣbalu-agi, ma nserwes tallit-agi ɣer tinna n useggas iɛeddan, amḍan-agi yenɣes s wazal n -6,89% yisehwa (accidants), d wazal n -10,91 n tmettanin akked -,65% n yimejraḥ. I usmeki, deg useggas n 2017, yewweḍ-d wuṭṭun n laksidat-agi ɣer 25 038, menbeɛd mi d-yenqes s wazal 3 818 ɣef winna n 2016, i yewwḍen ɣer 22 900. Deg useggas yezrin, neqsent tmettanin swazal n -8,84% ɣef tidak n 2016, ula d uṭṭun n yimejraḥ yenqes-d daɣen ɣef 2016 s wazal n 17,54%. Ma nger tamawt, ad naf d anɣes i ttenqasent twuɣa-agi seg useggas ɣer wayeḍ, d ayen isefraḥen imi mačči d rnu irennunt. Awi yufan, sya ɣer sdat, ad rnunt ad neɣsent mliḥ twaɣiyin-agi, i yettawin d lluluf n terwiḥin i itett wakal, d yimelyan n yimejraḥ, n yimeεḍar, n yigujilen…atg.

Gh. A

0