Par DDK | 6 Aout 2018 | 637 lecture(s)

SaḤel - Tameɣra tamniḍant n tkermusin

Ad tili gar 11 alamma d 13 ɣuct

Ass n ssebt 11 ɣuct 2018, ad tebdu tedwilt tis 7 n tmeɣra n ukermus, ara d-yilin deg taddart n Saḥel. D ttiɛad ara yeddun ɣef teɣzi n 3 wussan, imi temdel tiwwura-s seldazekka-in n letnayen 13 deg waggur-agi ideg nella. Ad nesmekti kan, belli ula d aseggas iɛeddan d tallit-agi (11-13 ɣuct), ideg i d-tella tmeɣra-agi. Deg tezrigt n useggas-a, yetturaǧu ad yili usenɛt n waṭas n tewsatin (leṣnaf) n ukermus n tmurt n Leqbayel, d wayen akk i d-ittekken seg-sam wakken daɣen i d-llant waṭas n temsikniyin-nniḍen, yecban: tamemt, taqendurt, lfeṭṭa. Am wakken diɣ ara d-yili usenzi s ubuddu n yidlisen sɣur ddeqs n yimura ara d-yerren i teɣri n tiddukkla “Saḥel”. Ad d-ilin diɣ tmeɣriwin n ccna, turart n tmezgunin akked yisaragen deg wahil i d-yettwaheggan bdemma i wannect-a. Ad tili tmeɣra-agi, s ddaw leɛnaya n uselway n Usqamu aɣerfan n lwilaya n Tizi Uzzu, Tanmehla n yidles n lwilaya n Tizi Uzz, Tiddukkla tadelsant “Saḥel”, Tasqamut n taddart-agi n Saḥel, akked Usqamu aɣerfan aɣiwan n Buzgan. S tallelt n waṭas n tiddukkliwin-nniḍen.

Adaoun Ghani

0