Par DDK | 6 Aout 2018 | 745 lecture(s)

ILULA UMALU - Mzeggen Tafaska n yimɣan n usejji

Gar 16 alamma d 18 ɣuct i d-iteddun

Tazrigt tis semmuset (5) n tfaska n yimɣan n usejji, i d-yettilin yal aseggas deg taddart n Mzeggen, yetabaɛen ɣer tɣiwant n Yilula Umalu deg ladayra n Buzgan, ad tili aseggas-a, di ddurt i d-iteddun. D ttiɛad adelsan, ara yeddun 4 ɣef teɣzi n 3 wussan, imi yebdu s wudem unṣib taggara n ddurt i d-iteddun, 160 deg waggur-agi n ɣuct ideg nella, ad temdel tiwwura-s ass n ssebt 18 ɣuct 2018. Ma d ahil ara yettwaxdamen deg 3 wussan-agi n tfaska, yetturaǧu ad yili d anesbaɣur. Deg tṣebḥit n wass n lexmis, ad tili tesfugla n tulya tunṣibt n tezrigt-agi, syin akkin ad tuɣal tejmilt meqqren i yiwen neɣ yiwet kar yimejjayen imeqqranen n taddart. Deffir-s kan, ad bdun temsikniyin, yecban tin n yimɣan n usejji, tin n useḥbiber ɣef twennaḍt d ugama, timsikent n tẓuri, tin n yisekla d yijeǧǧigen, timsikent d usenzi n yidlisen yerzan imɣan n udawi...atg. Di sin wussan-nni-nniḍen, yetturaǧu ad ilin waṭas n leqdicat-nniḍen, yecban: isaragen ɣef ɣef yimɣan n udawi, tirza ɣer umḍiq “Alma”, anida i d-ttawin imɣan-agi n udawi. Am wakken daɣen ara fersen tagnit yimsuddsen-agi, i wakken ad xedmen tukcci n warrazen i yinelmaden i d-yewwin ikayaden n taggara n useggas (5eme, BEM akked BAC). Turart n tmezgunin akked tmeɣriwin n ccna, llant ula d nutenti deg wahil. Ad yili diɣ uskan n zzwaǧ d tmeɣra n Leqbayel n zik, rnu ɣur-s zedwa n wurar n lxalat...atg. Ɣer taggara, ad nesmekti belli leqdic-agi ad yili s lemndad n Tiddukkla tadelsant “Tigemmi n Mzeggen” akked Tesqamut n taddart-agi. S tallelt n waṭas n yidisan-nnḍien.

A. Gh.

0