Accueil Tamazight Tekfa ass-nni n lḥed 29 yulyu 2018

Tuɣalin ɣer tezrigt tis 8 n Tafaska tadalsant n ufexxar n Mɛatqa : Tekfa ass-nni n lḥed 29 yulyu 2018

972
- PUBLICITÉ -

Asuffeɣ n Tinḍi seg wudem-is adisan ɣer tdamsa tasmusant Tella-d tezrigt tis ṭam (8) n Tfaska Tadelsant Tadigant n ufexxar n Mɛatqa, seg wass-nni n larebɛa 25 armi d ass-nni n lḥed 29 n yulyu 2018, deg Tɣiwant n Mɛatqa. Tafaska-agi, tettheggi-tt-id yal aseggas, tesqamut n tfaska s tallelt n Usqamu Aɣerfan Aɣiwan n Mɛatqa, Asqamu Aɣerfan n lwilaya n Tizi Uzzu, s lemɛawna n tmehla n yidles n Tizi Uzzu, Aɣlif n Yidles, tamehla n tmerrit d tinḍi n Tizi Uzzu d waṭas n yidisan-nniḍen. Ass-nni n lḥed iɛeddan 29 deg waggur n yulyu, i temdel tiwwura-s tizrigt tis 8 n tfaska n ufexxar n Mɛatqa, uɣur i d-rzan wugar n 120 n yimetkkiyen, i d-yusan seg 23 n lwilayat n tmurt n Lezzayer. Menbeɛd semmus (5) n wussan n temsikniyin d wahil adelsan aensbaɣur, anda i d-rzan d luluf n inerrzafen, i d-yusan si rebɛa n tɣemar n lwilaya n Tizi Uzzu. Tella-d tameɣra n taggara n tezrigt-agi tis 08, s tillin n tnemhalt n yideles n ugezdu n Tizi Uzzu Massa Nabila Goumeziane, ɣer yidis n yimḍebbren n tɣiwant d ladayra n Mɛatqa. Massa Nabila Goumeziane, i d-yuɣalen s wawal ɣer twuriwin n usuddes n tmeɣriwin d tfaskiwin n tinḍi deg lwilaya, yesɛan azal meqqren deg usnerni d usembiwen n tdemsa d tmerrit tadigant n temnaḍt n Leqbayel, rnu ɣef aya aseḥbiber ɣef tgemmi d yiremad n tmetti taqaylit. Ɣef wakken i t-id-nnan kra n yimsuddsen n tfaska-agi : « Tazrigt tis ṭam (8) tɛedda deg tgematin igerrzen, anda i d rzan aṭas n yinerrzafen seg yal tama n tmurt. Annect-agi, dayen yessferḥen aṭas wid yettkan deg tfaska-agi, d ayen i d-wekden s timmad-nsen ». Deg Wass aneggaru n tezrigt-a, yerza-d umeccgaɛ n Tmurt n la Croatie ɣer tfaska, wagi d Mass Marin Andrijasevic, anda i d-yesefqed timsikniyin yemgaraden n tfaska. Ula d netta s timmad-s, yessebgen-d lferḥ-ines ɣef leqdic i d-yellan deg tfaska-agi, iṛeggem-asen i yiḥarafiyen afus n tallelt akked usuddes n tfaskiwin deg uxxam n umeccgaɛ-agi.

- PUBLICITÉ -

Ali Zalouk.

- PUBLICITÉ -