Par DDK | 6 Aout 2018 | 652 lecture(s)

At Smaεel

Tiddukkla “Amzur” di ttiεad i uwelleh n yisdawanen imaynuten

Seld asurif-is amezwaru ass n teldayt, tebda tiddukkla Amzur leqdic-s deg wannar n tmussni. Tiḥdayin n At Smaεel, d tid yefkan azal meqqer i yilemẓiyen, imi ẓṛant belli imal yebna fell-asen. Dɣa ass n 20 d 21 di yulyu yezrin, yella-d usileɣ di tutlayin tiberraniyin am tefransist akked d teglizit i ubaɣur n warrac imectaḥ yesεan seg 10 alammi d 15 n yiseggasen. Rnu i waya, timeltaɣin (Adherents) n Umzur, i wakken ad d-fkent afus n tallelt i wid i d-yufraren deg ukayad n BAC, ladɣa i uwelleh-nsen ɣer tmezzugt i d asen-ilaqen.Ataṣ n wid yesmurrsen, ama di leqraya neɣ di tudert-nsen, i d-yerzan. Iswi i ten-id-yessemlalen d yiwen; ad bḍun tarmit-nsen akked d yisdawanen imaynuten. Gar-asen: idukturen, iselmaden, lwaḥid n yikataren (cadres) di tkebbaniyin. Meεna ayen iɣef sḥasfen yimsuddsen-agi d lɣiba n yilemẓiyen-agi, rnu i zzεaf n wid yeccḍen, ula d wid yessmursen ur friḥen ara s yigemmaḍ n ukayad n BAC n tesnawit n At Smaɛel. Ula d tiεeggalin n tiddukkla Amzur akked d yinebgawen n yiseɣ, sḥassfen ayendin i waddad-agi, ideg i d-ufan iman-nsen. Dɣa, fursen tagnit i d asen-yettunefken, mmeslayen ɣef waṭas n temsal, abeεda tin n tesnawit n At Smaεel d liḥala ɣer wanda tessaweḍ. Seld anejmuε d umbaddal n tikta akked watas n uzɣan (critique), ddukklen ɣef yiwen wawal ilaq ad d-afen tifrat s lemɣawla i uɣbel-agi. Ad yili wannect-agi, s ufus n tallelt n tɣiwant d wat taddart merra.

K. K.

0