Accueil Tamazight Ad tili rreḥba taɣelnawt deg tazwara n tuber i d-iteddun

TIZI UZZU - Tafellaḥt akked usnulfu : Ad tili rreḥba taɣelnawt deg tazwara n tuber i d-iteddun

1014
- PUBLICITÉ -

Tazrigt tamezwarut n rreḥba taɣelnawt n tfellaḥt d usnulfu, ad tili ussan n 1, 2 d 3 tuber i d-i teddun deg lwilayan Tizi Uzzu, akka i tt-id-ssuzer Texxamt n tfellaḥt n lwilaya (CAW) deg yiwen wulɣu, imi d nettat s timmad-is i d tamsuddest n leqdic-agi. Ma d iswi n rreḥba-agi, d asexdem n wallalen atraren deg tfellaḥt ara d-yuɣalen s ubaɣur ɣef tdamsa n tmurt. D abrid swayes ara neǧǧren abrid gar tesdawit akked yifellaḥen, i wakken ad yili usfaydi s tmussni d yinadiyen n yisdawen-agi deg uḥric-agi n tfellaḥt akked tiknulujit tamaynut. D tagnit daɣen, ara d-yessemlilen imussnawen n tiknulujit d yifellaḥen, i wakken ad yili useḥres n usexdem n tarrayin tijdidin n ufares, yettɛwanen deg usnerni n lɣella d usefti ugar di kra n urmud i ixeddem ufellaḥ, d imeslayen i d-yenna i ssrabes n yissalen n Lezzayer (APS), Mass Abdelghani Benali, imsuddes n rreḥba-agi. Yetturaǧu deg wahil n rreḥba-agi tamezwarut, ad yili d anesbaɣur, gar yisaragen akked temsikniyin, asenɛet n tarrayin timaynutin n tfellaḥt, akked waṭas n leqdicat-nniḍen. ad tili rreḥba-agi, deg tzeqqa tanaddalt Said Tazrout n Temdint tamaynut n lwilaya n Tizi Uzzu, anda yetturaǧu, ad rzun ddeqs n yimsikniyen d yisdawanen ara d-yerzun seg waṭas n lwilayat n tmurt. Ad nesmekti kan belli, rreḥba-agi ad tili s tallelt n waṭas n yidisan di lwilaya n Tizi Uzzu, yecban; Tanmehla n lwilaya n Tizi Uzzu n ssrabes n tfellaḥt, Aseqqamu aɣerfan awilay (APW)… atg.

- PUBLICITÉ -

Adaoun Abdelghani

- PUBLICITÉ -