Tebda tezrigt tamezwarut n wuḍan ucbiḥen n tegzirt, lwilaya n Tizi-uzu, ass n umenzu-nni n Ɣuct, ara yeddun alamma d 20 seg waggur-a. Ttilint-d tmeɣriwin deg unnar Louni anda ttilin aṭas n yimfarǧen , i d-yettasen s ṭṭaqa u si yal amḍiq n tmurt. Gten ula d iminigen, imi i asen-yeɛjeb leqdic-agi. S anect-a, dɣa, i yemxalaf s waṭas, aseggas-a, unebdu deg Tigzirt. D Hakim Bellout i d-yellan ɣef uqerru n usiher-a ifazen. Ad d-nesmekti kan, d akken d netta daɣen i d-yettheggin uḍan n remḍan deg tɣiwant n Boudjima . Aya, id yefka-as tabɣest akken ad yexdem lqdic-nniḍen deg Tigzirt, anda ccnan aṭas n yinaẓuren. Ad d-nebder ara Mourad Guerbas, Samir Sadaoui, Alaoua yellan deg umenzu-nni d 14 di ɣuct. I wass n 19, yecna Ali Amran ara d-yuɣalen ula d netta i wass-a n 20 ɣuct akked tnaẓurt Amel Zen. Am wakken ara yili unaẓur ameqqran Takfarinas ara imedlen tazrigt n useggas-agi. I usmkti kan deg ddurt iɛeddan cnan yinaẓuren Rabah Asma, Ali Ferhati, Algerino…atg. Beggnen-d yimferǧen lferḥ-nsen s lqdic-agi, imi yella laman. D ayen i yeǧǧan aṭas n twaculin, ad rzunt ɣer tmeɣriwin-a , ula d amekkan anda ara sersen yimfarǧen tikaryas-nsen, yella mebla lexlaṣ .
S.Y.