Par DDK | 27 Aout 2018 | 1150 lecture(s)

Ajdid deg tira

Isefra n At Zik n Ramdane At Mansour

Isefra n At Zik (poèmes kabyles d’antan) d ammud n yisefra n Ramdane At Mansour s snat n tutlayin (tamaziɣt/tafrensist). Yessufeɣ-t-id Useqqamu unnig n timmuzɣa deg yiseggasen iɛeddan. Yesqucceḍ-d bab-is awal ɣef waṭas n yisentalen i icudden ɣer tmetti. Isefra i d-yewwi ɣer yemma-s Tassadit At Ouvavras. Akka ara naf isefra ɣef tlufa, tikta, anuju, tameddurt, tibuɣarin, llqeḍ n uzemmur d wayen-nniḍen, yecban tujjya n zik akked unecreḥ. Yal asefru, yura-as-d sdat-s Ramdane At Mansour sdat-is ayen i t-iqublen n unamek s tefrensist. Ma d talɣa n usefru, tella-d s umata AB/AB/AB. AB/CB/DB neɣ AAB/AAB/AAB. Deg tazwart n udlis, yura-d umeskar ‘’Isefra n lejdud-nneɣ, skud ur nuɣ ara yid-sen tannumi, ur newzin ara azal-nsen, ur asen-nḥulfa ara acḥal ɣlayit. Ama d wid iwumi nesla, mi nella di dduḥ, neɣ d wid n tmeɣriwin, neɣ d wid n twiziwin…atg. Ha-t-an yiwen gar yisefra i d-yegmer. ‘’Aql-iyi deg yir liḥala, At Rebbi, ad thuzzem snasel. Ay At udrar n At Yaɛla, Uḍnaɣ aṭṭan ɣer daxel. La ttrejrijeɣ am bu tawla, Yuser-iyi lḥubb imexlel. Aql-i di lḥebs a yemma, Di lḥebsd n Tizi Uzzu. A yemma, lehwa tekkat, Aḍu, la ireffed, yesrusu. Siweḍ ay abeḥri sslam, I yemma i n-ǧǧiɣ tettru’’. Ramdane At Mansour d aselmad n tesdawiyin. Isem-is aḥeqqani Ramdane Ouahes. Yura idlisen-a : Tiɣri, Isefra n At zik, Agani, Leqr an s tmaziɣt akked Amawal n yinzan n teqbaylit.

Hocine Moula

0