Deg yiwen wulɣu n tenmehla n ufraq n lgaz d trisiti (SDC) n lwilaya n Tizi Uzzu, sya ɣer taggara n waggur-agi n cutember ideg nella, ad yili usekcem n usafar n lgaz n temdint ɣer 3 700 n yixxamen deg lwilaya-agi. Ahil-a n usekcem n lgaz n temdint, ad yekk kraḍ n yimalas ara iḥazen n ṭam (8) n yimeḍqan. Akka ihi, ɣef wakken i d-yers deg wahil i tga tenmehla tadigant n Tizi Uzzu (SDC) n ufraq n trisiti akked lgaz n temdint, ad skecmen lgaz i 430 n tnezduɣin deg tɣiwant n Uqbil deg yimalas-agi wis sin n waggur ideg nella, ɣer tama n 663 n yixxamen-nniḍen deg tɣiwant n Uẓeffun akked tin Yibudraren deg yimalas wis kraḍ n waggur-a n cutember. Ayen i d-yeggran seg wahil-a, d 2 813 n tnezduɣin i yetturaǧu ad yili usekcem-ines ɣur-sent deg yimalas aneggaru n waggur n cutember, ɣef wakken i d-tenna tenmehla-a. 2 818 n tnezduɣin-agi, zgant-d deg 7 n yimeḍqan, yecban taɣiwant n At Zmenzer, Aẓeffun, Ɛin Zzawiya, At Xlili, Timizar, Ibudraren akked At Yanni.
Gh. A.