Accueil Tamazight Yexṣer waddad n tzeqqa n waddal

Xeṛṛaṭa : Yexṣer waddad n tzeqqa n waddal

529
- PUBLICITÉ -

Ulac win ur nḥemmel addal, acku rnu ɣef ubaɣur i yesεa i tdawsa n umdan, itekkes ɣef wul, yessizdig allaɣ n win i t-ixeddmen. Abaεda ma yebda-t yiwen seg temẓi. Ilemẓiyen n tɣiwant n Xeṛṛata, azal n 70 n yikulumitṛen seg waɣir n Bgayet, iṛkeb-iten zzεaf d ameqqṛan seg liḥala n tzeqqa n waddal n tɣiwant-agi. Imi ala tin i sεan ttaran ɣur-s i usεeddi n wakud d tukksa n lxiq. Ccil aɣbel-agi d aqbur, meεna ur d-hdiṛen ara fell-as agguren iεeddan, acku telha liḥala n tegnawt. Ayen i ten-id-yessneṭqen, tikkelt-a, d ageffur i d-yewten ussan yezrin, aneggaru-a, ur ten-yeǧǧi ara ad xedmen ccɣel-nsen. Aman tweqqiren-d seg yal amkan amzun ur tedduri tzeqqa-a, armi d asif i iteddun di lqaεa. Ɣef waya, yenna-d yiwen: « Llan gar-aneɣ warrac imecṭah, lukan ad yecceḍ yiwen, yezmer ad yemmet srid. Amek ad nessusem ɣef ccɣel-agi? Tura tedra-as akka, ihi di tegrest ulayɣer ad nehḍer, ilaq ad as-d-afen tifrat i taluft-a». Ibabaten n warrac seg tama-nsen, εewwlen ad ssiwḍen tiɣri i uselway n tɣiwant i wakken ad iwali deg temsalt-a, acku addal yesεa azal meqqer deg usegmi n uqcic. Yenna-d yiwen: « Arrac-agi d imal n tmurt, ma yella ur asen-nga ara leḥsab nekni ass-a, azekka ur ten-nettlumu ara ma yella ffɣen i ubid » .

- PUBLICITÉ -

K. K.

- PUBLICITÉ -