Deg usarag i d-yessuddes uɣmis n El Moudjahid i d-yessider Uselway-Anemhal Amatu (P-DG) n ugraw n Sonelgaz, Mohamed Arkab, deg wass n Larebɛa iɛeddan, 3 deg waggur n tuber 2018, deg tdabut n El Moudjahid, iwekked-d d akken ur d-tettili ara tmerna n ssuma n lgaz d trisiti deg useggas 2019. ‘’ Awanek n tmurt n Lezzayer yefka-d i ugraw n Sonelgaz asebru deg wakud ɣezzifen d waṭas n yibuɣar (avantage), aya, i wakken ad d-ikemmel asefti-ines ɣer lewhi n useggas 2028. Ibaɣuren, semḥen i ugraw ad ikemmel asefti. Daɣen, ulac yak timerna deg ssuma n trisiti d lgaz yettwajerden deg wahil n tkebbanit, neɣ isumar iteddun deg tikti n tmerna’’, dayen i d-yenna Mass Arkab deg usarag-ines. Yuɣal-d, daɣen useway-anemhal amatu n ugraw n Sonelgaz, deg wawal-is, ɣef yiseftiyen n tedrimt d tsengamit n ugraw i iɛeddan seg 26,96 n yimelyaren n DA ɣer 311,5 n yimelyaren n DA deg useggas n 2017. Llan-d yiseftiyen yemgaraden n ugraw i wakken ad d-snekden leqdicat n baylek d tiririt ɣer ṭṭlaba s zyada ɣef trisiti d lgaz n ugdud, daɣen asenked n unegmu n tdamsa n tmurt n Lezzayer, dayen i d-iwekkeḍ Mass Arkab.
Ali Zalouk