Mebɛed mi d-yella ujerred deg wussan iɛeddan yisikwan (ateliers) imaynuten n Temkerḍit tagejdant n tɣuri taɣerfant n lwilaya n Tizi Uzzu, ad yebdu deg-sen uselmed seg uzekka n ttlata, 9 tuber 2018, deg tmeddit n wass, akken i d-yeffeɣ deg yiwen wulɣu n Tenmehla n yidles n liwaya-agi. Setta n yisikwan (ateliers) isensegmanen ara d-yernun ɣer tlata-nni yellan yakan: Timucuha, imuhal n ufus akked usuneɣ. Gar setta-agi ijdiden, ad naf rebɛa deg-sen rzan tutlayin-a: Tamaziɣt, tafransist, taglizit akked taɛrabt, rnu ɣer sin-nni-nniḍen, d asikew n tussnaggurt (astronomie) wayeḍ d agraw n tɣuri. Ma ɣef yiswan n yisikwan-agi imaynuten, tenna-d Massa Goumeziane Nabila, tanemhalt n yidles n liwlaya n Tizi Uzzu: “D Isikwan yellin tiwwura-nsen i yinelmaden yesɛan gar 10 alamma d 15 n yiseggasen deg leɛmer-nsen.Yal asikew s wahil-is. D tagnit i tmussni d usnerni n tmussniwin, ama deg tutlayin ama deg tɣuri d wayen-nniḍen”.
Ghani Adaoun