Accueil Tamazight Lmut n sin n yimdanen deg tbaxixt n umuṭu

Wehran : Lmut n sin n yimdanen deg tbaxixt n umuṭu

728
- PUBLICITÉ -

Teḍra-d tbaxixt ussan-a kan deg ubrid n tṛamway n Wehran, tegla s snat n terwiḥin. Tikkelt-a mačči d akamyun neɣ d takerrust i d ssebba, d amuṭu i d-yenher yiwen n yilemẓi n 21 n yiseggasen d umeddakel-is bu 15 n yiseggasen. Ɣef leǧwayeh n 22h n yiḍ i d-ẓedmen deg yiɣrem n Medyuni, 5 km ɣef tlemmast n temdint, ur faqen armi glan s urgaz n 42 d aseggas i d-ufan deg ubrid-nsen, dɣa yemmut imir imir. Ma d ilmeẓyen-nni, rẓen deg yal tama n tfekkiwin-nsen u jerḥen mliḥ. Mbeɛd mi ten-ssawḍen ɣer sbiṭar ameqqran (CHU n Wehran), ilemẓi-nni n 15 n yiseggasen, yessuffeɣ rruḥ. Ma nesmekta-d kan d akken tanhart-agi n yimuṭuyen, d yiwet n tarat (phénomène) i d-yettawin lexṣara meqqren, war ma nemmeslay-d ɣef umihi i as-id-tgellu, ama i yinehharen-a, tuget deg-sen d ilemẓiyen ddaw n 22 n ssna, ama i yemdanen i ileḥḥun deg yiberdan ɣef uḍar. Zgan, ula s ṣṣut-nni meqqren i d-yessuffuɣ umutur, sluɣuyen lehna n umdan mi ara yeqqim di tsussmi.

- PUBLICITÉ -

Khaled. A.

- PUBLICITÉ -