Accueil Tamazight Yessenger waṭṭan n ubeɛɛuc azemmur !

Tubiret : Yessenger waṭṭan n ubeɛɛuc azemmur !

548
- PUBLICITÉ -

Gar-aɣ d kra kan n yimalasen, ad tendeh lḥemla n ucraw n uzemmur.

- PUBLICITÉ -

Am yal aseggas, ifellaḥen, ttḥhirin ad jemɛen rrezq-nsen win akken yettɛeggicen aṭas n twaculin. Lferḥ neɣ tumert, tettan-d deg wudmawen n yimdanen mi ara walin igefran di tallit n taggara n lexrif, acku aman i d-iɣellin ttakken rruḥ i uɛeqqa. Maca, aseggas-a, ahat yezga-d yemgarad ɣef wid yezrin ɣas ulamma tella lehwa akken i tt-yettmenni yal afellaḥ. Acimi ? Ihi, ɣef leḥsab n waṭas n yimdanen i d-nemmuger, ccektayen ɣef tilin n yiwen n ubeɛɛuc i ikecmen aɛeqqa. D tawekka yettefruruxen s lɛejlan, tettett aɛeqqa alamma tekkes-as tazmert i wakken ur n-yettɣimi ara deg tzemmurt. Akka tura, dima ɣef leḥsab n yimeslayen-nsen, win ara d-iɛeddin tama n yiḥerqan d wurtiyin, ad iwali tuget n ugummu yeɣli-d ɣer lqaɛa, drus maḍi i n-yettɣimin deg tzemrin. Seg tama-nsen, imḍebbren n tfellaḥt yellan di yal taɣiwant, ur ṣṣawḍen ara ad xedmen akka kra ara iḥebsen aṭṭan-a iḥuzan isekla, d ayen ara yeǧǧen ddeqs n twaculin ad idirent deg lixsas imi aṭas i yettkalen ɣef zzit i wakken ad d-skecmen tadrimt swayes ara yidiren.

Smail. M

- PUBLICITÉ -