Imnar n tdukli d yiwet n tddukkla i d-yettwaxelqen aseggas-a di taddart n tYTḥanut di tɣiwant n At Ɛissa Mimun. Tusa-d tddukkla-a i wakken ad tessnerni leqdic adelsan di temnadt-a. Acku ma yella nexdem tamawt, ad naf d akken ixus nezzeh uxeddim deg uḥric-agi n yidles deg tama-agi n Tḥanut. Ihi, ɣef waya, heggan-d yiɛeggalen n tiddukkla yiwen n wahil d anesbaɣur s wayes ara telḥu ɣef teɣzi n useggas. Akken i d-iberreḥ uselway-is Mass Adaoun Abdelghani, d akken ttwajerden azal n 30 n yinelmaden deg tzeɣwa yemxallafen di tutlayin: Tamaziɣt, tafransit, taglizit. Ad ilint temsirin deg uɣerbaz amenzu n » Lhacmi d warraw-is » n taddart n Tḥanut, sɣur iɛeggalen n tddukkla. Yerna-d deg wawal-is ‘’ Timsirin-agi, azal 40 ɣef meyya, d timsirin i yeqqar unelmad deg uɣerbaz deg kraḍ n yiswiren-is. Ma yella d 60% d tid icudden ɣer yidle, i wakken ad yesnerni unelmad aswir-is ama s timawit ama s tira. I wakken daɣen i ttujerdent deg wahil tufɣiwin n tussna ara d-yawin amaynut i tmussniwin n yinelmaden, deg taɣulin yemxallafen. Akken daɣen ara tefk tddukkli ttiɛad di yiwet n tmeɣra ara d-yilin deg Uxxam n yidles n Tizi Uzzu. Tameɣra-agi, ad tili i lemɛawna n yiwet n tmuḍint di taddart n Tḥanut, i yesɛan 33 n yiseggasen.
Souhila Yamani