Accueil Tamazight Tullya n tmersiwt tamaynut n yifurguten deg Ḥay (iɣrem) Ṣṣabaḥ

Wehran : Tullya n tmersiwt tamaynut n yifurguten deg Ḥay (iɣrem) Ṣṣabaḥ

542
- PUBLICITÉ -

Deg yimalas yezrin i d-tella tullya tunṣibt n tmersiwt n yifurguten (gare routière) tamaynut deg tama n Ḥay Ṣṣabaḥ deg usamer n temdint n Wehran, sɣur anemhal n usiweḍ. Uṭṭunen n usiweḍ n yifurguten-a neɣ asunen d tamiwin iɣer ara ttawwin, ad ilin d asunen (daîra) yemxalafen n twilayt n Wehran s umata, am Gdeyel, Arzew, Msergin, Wad Tlilat d wiyaḍ. Rnu ɣef waya, iṭruliyen yessawaḍen daxel n temdint yakan, am wid yettawin uṭṭun 51, 11 d 101, ad keccmen u ad d-ttekken seg tmersiwt-a, akken ma llan yimsiklen i d-yersen din, bɣan ad beddlen adeg ɣer tlemmast n temdint, ad d-rekben syin yakan, war ma rnan aɛetteb. Tamersiwt n Ḥay Ṣṣabaḥ, ad tessenɣes, mebla ccek, seg tacart d uxnaq n yiberdan, ladɣa imi i d-tezga deg umkan ibeɛden acemma u teffeɣ ɣef tnezduɣin. Ladɣa ma nger tamawt d akken aṭas n temdinin timeqqranin n tmurt ttidirent u ttmagarent ugur n uxnaq n yiberdan s tacart-nsen s tkeryas ilan azal deg tudert tatrart, imi ur nettaf ara axxam ur nesɛi ara xersum yiwet n tkerrust, rnu ɣer waya, iberdan iḍeyqen ur nettwaxdam ara akken iwulem. D annect-a i yettaǧǧan imasayen yeṭṭfen aḥric-a n usiweḍ i unadi d tifin n wallalen d tifrat akken ad yennefsusi lxaṭer n yinehharen, ad ttawḍen ɣer lecɣal-nsen di lawan.

- PUBLICITÉ -

Khaled. A

- PUBLICITÉ -