Accueil Tamazight Ugar n 14% seg yizzayriyen sɛan aṭṭan-a !

TAZMERT - Ass amaḍlan n waṭṭan n ssker : Ugar n 14% seg yizzayriyen sɛan aṭṭan-a !

604
- PUBLICITÉ -

Ttunefken-d yigemmaḍ n tsestant-a ass n larebɛa deg Lezzayer tamaneɣt s tilin n Tuddsa n yiɣlanen yeddukklen.

- PUBLICITÉ -

Tbeggen-d yiwet n tsestant neɣ n tezrawt taɣelnawt i iga Uɣlif n tdawsa, s lemɛwna n Tuddsa tanmaḍalt n tdawsa, belli deg tallit n 2016-2017, ugar n 14% seg yizzayriyen, yesɛan gar 18 d 69 n yiseggasen, sɛan aṭṭan n ssker. « Agemmuḍ n waṭṭan n ssker yella 8% deg useggas n 2003, s akkin yewweḍ ɣer 10% deg 2012. Ma deg useggas iɛeddan 2017, yewweḍ ɣer 14% », ɣef wakken ay d-nnan yigemmaḍ n tsestant i d-yellan ɣef tmekkest (wid iɣef xeddmen tasastent-a) n 7450 n yimdanen i d-yettgensisen (yettmetilen) timnaḍin yemgeraden n tmurt n lezzayer. Yerna tuget deg-sen d wid yesɛan gar 18 ar 69 n yiseggasen deg leɛmer-nsen. Ttunefken-d yigemmaḍ n tsestant-a ass n larebɛa deg Lezzayer tamaneɣt s tilin n Tuddsa n Yiɣlanen Yeddukklen. Yella-d waya i lmend n Wass amaḍlan n waṭṭan n ssker ay sfugulen yal 14 unbir. Ɣef leḥsab n tsestant-a, 53,5% seg wid i yettwattren (iɣef xedmen tasastent-a) werǧin qassen ssker-nsen uqbel. Ma 29,7% seg yimuḍinen n waṭṭan-agi, ttdawin s tensulin, ma d 78,2% ttdawin s yisafaren n tissit. Am wakken daɣen i d-yenna wulɣu-agi, belli llant 8 n tmental neɣ ssebbat tigejdanin n waṭṭan-agi deg tmurt n Lezzayer.

Ghani Amazigh

- PUBLICITÉ -