Accueil Tamazight Yeɛgeb aselḥu n yisenfaren akked srabes n tɣiwant

MAATKAS - Aɣbel n lexsas n yixeddamen : Yeɛgeb aselḥu n yisenfaren akked srabes n tɣiwant

614
- PUBLICITÉ -

Deg yiseggasen-agi ineggura, yexleq-d lexsaṣ n yixeddamen deg srabes yemgaraden n tɣiwant n Mɛatqa, aɣbel n uselḥu n srabes n tɣiwant. Dayen i d-yenna uselway n Useqqamu aɣerfan aɣiwan n Mɛatqa Mass Laguel Lyes, deg yiwen unejmuɛ akked tseqqamut n taddart n’At Zɛim, deg tzeqqa n yinejmuɛen n taddart. Deg wawal-is, yuɣal ɣer waṭas n temsal gar-asent aɣbel-agi n lexsaṣ n yinewriken (personnel). Aya, dayen i d-yewwin iɛekkiren imeqqren i uselḥu n srabes n tɣiwant. aɣbel-agi, izad-d seld leblan n uneḥbus n yinagrawen n usekcem ɣer uxeddim yeɛnan ANEM, DAS, d uneḥbus n temsizzliyin n usekcem ɣer uxeddim i d-ttheggin yimḍebbren n tesɣent (fonction) n baylek. Gren-d srabes yemgaraden n tɣiwant n Mɛatqa kra n yiɛggalen.Dɣa deg tazwara n waggur n cutember, mbeɛd tuɣalin ɣer yiɣerbazen yemxalafen n tɣiwant, inemhalen n yiɣerbazen, ttwaɛeggben s waṭas, s lexsaṣ-agi deg umḍan n yixeddamen, ama deg tesmaččiwin neɣ deg srabes n uselḥu n lecɣal n yiɣerbazen. Iban-d uɣbel-agi n lexsaṣ s waṭas deg useggag-agi, s sseba n umḍan meqqren n yixeddamen yewwin tastaɣt (retraite). Rnu ɣef waya, aṭas n yixeddamen iwumi tekfa tfada (contrat) n uxeddim n yinagrawen yemgareden mebla ma zemren ad ɛawden tayeḍ s sseba n uneḥbus n tfadiwin. Aɣbel n lexsas n yixeddamen, yeɛna aladɣa aḥric n tezdeg d ugerrez, anda ara naf kan azal n 10 n yixeddamen i d-yelhan s usizdeg d ujmaɛ n yiḍumman deg tɣiwant. Yiwen n lḥars meqqren yettusmarsen ɣef yixeddamen-agi, dayen i d-yenna yiwen gar yixeddamen:  » Ur nesɛi ara ula d yiwen wass n usteɛfu. Tikwal nxeddem ula d swayeɛ n zyada i wakken ad nessiweḍ ad nekfu axeddim yellan ». Sdat n uɣbel-agi n lexsaṣ n yixeddamen, ssawalen yiɛeggalen n Useqqamu aɣerfan aɣiwan yal tikkelt i yimɛalmen n tkebbaniyin yemxalafen n tɣiwant i wakken ad d-fken afus n tallelt deg uselu n kra n leqdicat n tɣiwant.

- PUBLICITÉ -

Ali Zalouk

- PUBLICITÉ -