Ayt SmaƐel Aselhu n trisiti s wafud afukan (énergie solaire)

Ad tili d tirmit deg sin n yiɣerbazen imenza

DDK 10-09-2018 733

Yal tazwara tesεa taggara, am tɣawsa iεeṭṭlen, am tin izerben. Seld n ugar n sin n wagguren n usteεfu, yewweḍ-d lawan n tuɣalin ɣer yiɣerbazen. Akken i d-tberreḥ tneɣlaft n usegmi aɣelnaw ɣef uzemz n unekcum ɣer tɣuri i useggas n 2018/2019, tella-d ass n 2 cutember yezrin tuɣalin n yiselmaden. Ma yella d inelmaden, defṛen abrid n tneɣriyin ass n 5 n yiwen n waggur. Seg tama n yiselmaden, xedmen anejmuε akked yinemhalen i wakken ad msefhamen ɣef wakud n usɣer n yal yiwen deg-sen, am wakken i mmeslayen ɣef waṭas n temsal ara d-yawin abaɣur i yinelmaden s umata. Ladɣa amek ara d-ilin yigemmaḍ yessefraḥen. Yenna-aɣ-d yiwen n unemhal: «Arrac-agi d lamana, ihi ad nexdem nnig n tezmert-nneɣ bac ad ḥemmlen taɣuri-nsen, i wakken ad lḥun ɣer sdat». Si tama tayeḍ, umren yinelmaden mliḥ s tuɣalin-agi, ladɣa wid n uɣerbaz amenzu. Ayagi yettban-d deg wudmawen-nsen, imi tadṣa tezga deg yimawen-nsen. Yewwi-d fell-aɣ ad d-nemmeslay daɣen ɣef yimawlan n yinelmaden i yeččuren d asirem, i wakken ad tesɛu dderya-nsen imal igerrzen s tɣuri. Ɣer taggara, ad d-nebder yiwen n umaynut i d-yellan asegga-a di Bgayet. Imi wwden-aɣ-d yisallen belli sin n yiɣerbazen imenza i d-yesfayden seg uṣenfar n uselḥu n trisiti s wafud afukan (énergie solaire). Deg-sen win n Tregragt taqburt deg At Smaεel. Nessaram ad iεeddi useggas akken ilaq, s buhan n tɣuri igerrzen i warrac.

K. K.

AUSSI DANS NOS ÉDITIONS...

Plus de Tamazight