Skeflen-d dduṛt iεeddan yiγallen n usellek d yiεesssen n lecḍuḍ snat n lǧettat i d-ḍegrent lemwaji γer cceṭ n Ssuq Letnin. Σlaḥsab n yisallen i d-newwi seg umkan, lǧettat-a ttwaγent, ayen i yessaεṛen aεqal-nsent, atent-id akka tura di sservis n luṭupsi n sbiṭaṛ Frantz Fanon n temdint n Bgayet. Turda i d-fkan yiγallen n laman γef laṣel n lǧettat-a, dakken zemrent ad ilint kkant-d seg yiwet n teflukt yewwin yid-s 17 n lḥeṛṛaga n lwilaya n Σennaba, taflukt-a yeffeγ-d yakan lexbaṛ n uγṛaq-is deg agur n γuct iεeddan maca seg yimiren armi d tura i bdan yiγallen n laman ttafen lǧeṛṛa-s. Am akken daγen i d-skeflen yiγallen n usellek yiwet n lǧetta-nniḍen deg cceṭ n Ziyama Menṣuṛiya n lwilaya n Jijel, cceṭ-a ur yebεid ara γef win n Ssuq Letnin. Anadi mazal aṛiḍa yettkemmil ladγa imi yella ccek belli laṣel n lǧettat-a i ufan, d tarbaεt-nni n 17 n yilmeẓyen i mebla ccek akk-nsen mmuten s sseba n uγṛaq.
Mokrane Chikhi