Telliḍ txedemeḍ tiflewt, anda id yegra Racid deg uḥric –agi n taẓuri ?
Sεerqen-aɣ yiḥallumen tablaṭ. Iẓṛi la inekkeẓ, ur zmireɣ ara ad sniɣ ula d tissegnit. Ibellaṛen ɣunzaɣ-ten. Rniɣ arraw-iw! Yiwwas Bdiɣ tifelwit « photoréaliste » yarra-itt Ferḥat d « l’abstrait », tuɣ-it d llufan, iselḥit s tfettusin-is akken d azegzaw, warεad yekkaw. Ɣas ulamma d tidet, nniɣ-tt-id s necṛaḥa, mačči d annect-agi kan iwumi ssewεareɣ neɣ iyi-yerẓan ifaden.
Dɣa seg asmi akka i d-nnulfan ttawilat « informatiques », d timsiskert! Win yeddan yerra iman-is d anazuṛ. Zikk meqaṛ kan aka ad-zzenzeɣ tifelwit, ttalleɣ-d yis iman-iw. Tura win iwumi at-inniḍ nekini « artiste peintre », akk yinni: » Melmi a testefiḍ a-id sebɣeḍ takuzint? » Wanag iseggasen-nni n 90, fiḥel ma nenna. Neɣsen-d si lεameṛ-iw, as tinniḍ : s anwa iten-yukren. Sseg-s akka wid iḥemlen lfen d wayen icebḥen xemten, wid id-yessasayen tadrimt s lgelba, wisen amek, yeǧğeyiren ixamen-nsen s ubeṛqac, walit-tten-id a madden. Nutni di tilawt ur zṛin tigert. Ṛuḥ inni-asen! Yiwen was inuda-d felli yiwen as geɣ azal n ṭezzina n tfelwiyin i lḥaṛa-s tajḍiḍṭ. Ur yebεid ara ɣef lẓẓayer tamanaɣt. Ssulliɣ-as leḥsab, nniɣ-as: “ akk-id-kker azal n 128 000 DA yerna suεdeɣ-k aṭas.” Yerra-id din-din: « Ak-xelṣaɣ titswit ». Wehmeɣ! Uɣaleq nniɣ-as: » Gelɣeṛḍ-ik a mesyeu, ur daɣ d-tbiεen ara…” As t- inniḍ yuggad as rewleɣ yenna : « ala ala ak xelseɣ tura kan . yewet ɣer texriṭ imeken iyi-d tabiyit n miyyat alef, yuɣal yesderduf leğyubat nniḍen. Akken tezṛiɣ la d-yetsḥebbil ṣṣeṛf, gziγ belli ur yefhim tren ! Iεud 1280 DA. Ccexceγ dge-s, qqureγ. Nneḥcameγ deg ubdil-is . Nniγ-as, deg ul-iw: “La k-tsanint tsekwrin yeɛel… » Ssegraγ-as kra imeslayen kamim, kkiγ tawwurt, am win yewin tiɣiɣit. Uɣaɣ-ten-t mkemda . Limmer am tura, jmaεliman n yergazen ar d-gluɣ s 1000 DA nni meqaṛ, lḥeq n “dumaj akked l antiṛi”. Dayen εaddan felli izaylalen.
Lamči d yiwet n tedyant neγ n temεayt att-id awiɣ. Yerna ahat mačči d amkan nsen-t tura dagi? Llan wid iy id-yeqqaren « Acimi ur txeddemeḍ ara « les expositions/vente ». Greγ tamawt i temzikniyin, mexḍa mexḍa ma yilint tid yuklalen atent-id ẓuṛ bab-is. Yekkat fell-asen-t Bururu. Lhant kan as ideg a yilli ugeffur, aṭas id-yettasen ad-darin, neɣ ad εacqen, u ad-staεmilen. Yiwwas di 2006 nni, yenna-id yiwen: »Ah! Yelha le cadre – agi, ayi-tedissiniḍ nekk akked d sin warraw-iw d ṛebεa yessi deg jaṛdan? Ɛacrin alef-nni a yawi ufutugṛaf aten tawiḍ kečč ,axi tuklaleḍ”. Nniγɣ-as ak-iεuz ṛṛebbi, tettagi-yi yemma. Teqqaṛ iyi-d d ṭṭiṛa win yettdisinin medden deg jardan… Ṛuḥ a mmi ṛuḥ! Naṛwa taḍṣa di twaɣit. Iḥun wig ḥunen, uɣeɣ-as awal i xali Muḥend Aεrab asmi mi id-yenna: « Menyif-ak l’ITA, tafellaḥt teseččay aɣṛum… » Daɣ netta aqli la tettaɣ aγṛum n tmara, am nekk am medden, daya. Yezraε dgi laεgez armi yefka iẓuṛan, stehzaɣ di lfen, ğiɣt i wahwah.Wanag tili ad-nubeɣ ɣef yiman-iw akken nniḍen. Ɛaddi-k! Inn-as i ṛṛebbi acimi! Yeṭef-iyi bubarrak n « la fonction publique ». Sɣara-yeγ ula s taεṛabt, iyyad a « la vulgarisation, la méthodologie, le marketting, la zootechnie, les petits élevages… » Tayarza karzeɣ akk tamurt ṣṣaba a sidi wissen akken is-yenna Si Funi n Muḥya. Aqli gguniγ lantrit ma yella kra ad yesigger deg-nneγ i tfaliḥt…
yettkemmil
Halid Ait Slimane