Azul a Smaɛil. D tmaziɣt i d aɣ-yessemlalen di Kouba. Yezga ɣer tama-k karim (BTK). Dɣa, ddurt yezrin i t-walaɣ di BRTV. Yewwi-d ameslay fell-awen Keč d Nour. Yeɣli-d fell-as igenni ulad netta akken d-yeɣli ɣef tid d wid akk ikun-yesnen.
Imi tenniḍ a Smaɛil ferḥeɣ dayen kan ass-nni mi k-in-fiɣ di Kouba. Nniɣ-as: ad tettkel tmaziɣt yesɛan timutal n Smaɛil. Ih a Smaɛil, tɛeddaḍ akkin i ujerrid n tuqqna. Terniḍ-as-d aɛeqqa n lemleḥ i teqbaylit, taqbaylit-nni i nessarem ad tebru i yijufaṛ n “aḥeq sidi ccix” . Amek ihi ur tecebbiḥ ara tmaziɣt mara yili d anẓur dans toute sa splendeur i d as-igan irebbi !
Cfiɣ, ass-nni, pendant que nettembiddal tiktiwin, nettmeslay ɣef wayen icudden ar tmaziɣt, akeryun-ik ur iḥbis ara. Amecwar akka trefded aqerru-k, tefkiḍ-yi-d tiwerqet, tecmumḥeḍ. Cmumḥeɣ ula d nek mi walaɣ la caricature-inu ay anaẓur. D nwaḍer-iw i d-yufraren. I yiẓri iwumi tefkiḍ azal. “Wali !” , d-tenna la caricature-nni. Aṭas i walaɣ seg wassen ara ass-a. walaɣ surtout itran i k-yecban mi bedlan amkan.
Talwit a Smaɛil ! Anda akka telliḍ ur iḥebbes ara ukeryun-ik, ladɣa imi d leḥbab-nni ara d-temlileḍ
Tahar Ould Amar