Deg yiwen umagrad iwumi semman « Tamazight à l’école : entre acquis et regrets » i d-yefγen deg uγmis n’’Liberté’’, sin yiεeggalen n zik n HCA Arezki Graine d Ahmed Tessa mmeslayen-d γef umecwar i d-yewwi usqamu unnig n timmuzγa (HCA) si 1995 ar tura. Xas ma yella-d umeslay γef tiddin s umata n usqamu-agi, meεna awal-nsen yezzi aṭas γef uselmed n tmaziγt, ladγa gar tlata yiseggasen-nni imezwura (1995/1998) ar 2011. Amagrad ferqen-t γef sin yiḥricen : amezwaru dayen i d-tḥella tmaziγt, wis sin d asḥissef. Σlaḥsab n yiεeggalen-a, tamaziγt tuγal d tutlayt am tiyaḍ-nniḍen deg uγerbaz imi tekcem di lewqat unṣiben n uselmed, tella deg yikayaden n BEM d BAC, llan wid i tt-yettmetilen di tesquma n uheggi n wahilen (CNP, GSD)…atg. Xas ulamma ggrant-d kan 6 lwilayat di 16-nni anda qqaren tamazi&gamma,; meεna yennerna umḍan n yinelmaden : llan 37690 yuγal di 1995/1996 yewweḍ γer 214 442 deg useggas n 2011. Ma d iselmaden bdan di 233, uγalen akka tura 1265 yid-sen.
Ma γef wayen yeεnan lexṣas, iεeggalen-a sḥasfen imi ur ikemmel ara usqamu unnig n timmuzγa deg ubrid i d-yewwi si tazwara (1995/1998). Nnan-d dakken iwillihen i d-yefγen si temliliyin i d-ihegga HCA deg yiseggasen 1996 d 1997 ur wwiḍen ara wid teεna temsalt, meḥsub tineγlafin ukked cerken axeddim. Am akken sḥasfen imi qeddcent tlata tesquma n HCA berra lqanun si 1998 ar ass-a. Ula d Asqamu unnig n timmuzγa yeqqim mebla aselway seg wasmi yemmut Ait Amrame deg useggas 2004.
Aṭas n yisteqsiyen,di&gamma,; i d-yellan daxel n umagrad-a. Iεeggalen-a bγan ad zren anda yedda leqdic-nni n Mass Laceb ? Iwacuγer i d-yella aṭas n lexṣas ?
Hocine. M