Acewwaḍ s uyaẓiḍ

Isufar n tuččit:

1. Ayaẓiḍ.

2. Kilu n texsayt talqaqt (courgette).

3. Tummeẓt n lḥemmeṣ yewwan nnefs n tiwwin.

4. Tibṣelt.

5. 02 n tḥebbuyin n ṭumaṭic

6. Tameqqunt n lmeɛdnus

7. Ṭumaṭic n tebbaḍt

8. Ifelfel aberkan

9. Zzit, lemleḥ

10. 02 n tfelflin tiqerḥanin.

11. azal n kilu n ucewwaḍ

Aheggi n tuččit:

Daxel n tmermiḍt ad nerr imurṣuyen uyaẓiḍ, zzit, tibṣelt, lemleḥ, skenjbir, ifelfel aberkan, ad ten-neǧǧ ad qlun 05 dqayeq ad asen-nernu 02 n tḥebbuyin n ṭumaṭic yezḍen, taenjayt n ṭumaṭic n tebbaḍt akked lkas n waman. Ad ten-neǧǧ ad qlun daɣen akked tmeqqunt-nni n lmeɛdnus, ad as-nernu aman alamma iɣum uyaẓiḍ-nni, ad asen-nernu lḥemmeṣ ,tifelflin, wa ten-neǧǧ ad wwen nnefṣ n tiwwin, ad asen-nernu imurṣuyen n texsayt mi yewwa kullec ad nessexsi i tmes.

Daxel uḍebṣi ad negzem akk iferrawen ucewwaḍ-nni n zzit, ad nessers fell-as imurṣuyen uyaẓiḍ wa ad t-id nessers s useqqi-nni akked lxeḍra.

Noura