Yeɛreq yixef-is(III)

Teγzi n tudert tessawaḍ Bab-is ayen i d- yedder, ayen iwala yettuγal-as am win yeqqes uzrem, yettagad ula d aseγwen. Dayen i yettrebbin deg-s tamuγli meẓẓiyen i kra n win yugar di leεmer ad tafeḍ yesseḥbibir tettecbibir γef wayen yebγun yili-d. Qqaren, win yeddren tudert-is ulayγer yeqqules γer tudert n wayeḍ myal akud s tarwa-s, myal tarwa s tmuγli-s, yal tamuγli s wallalen-is. Gar umeẓyan d umeqran akud yettaf iman-is yettaḍsa yeqqar: wali tura wihin yugad teγzi n tudert, wihin yeqqar awah a teγzi n tudert maca γas tudert tesdukel-iten, tamuli tebḍa-ten, yal yiwen anida ijebbed. Netta akken bγun jebden i tudert ur ffiγen ara. Mgaraden amek ara idiren, d acu n tudert ara idiren. Netta limer d lebγi yal wa ad yidir i wayeḍ, s wayeḍ. Temẓi di temγer, temγer di temẓi mi ara dduklent ad d-fkent tamuγli n yimmal ara d- yezgen i kra n win yeddren, maca i sin d yid-sen tidet ẓẓayet, yuεer leḥsab i tifin…

Akli: (i Dda weεli) Limer rruḥ n lwaṭaniya i tettawim ɣef yilesawen-nnwen, i tezdiɣ ulawen-nnwen wammag ur cukkeɣ ara ad naweḍ ɣer liḥala ya i deg nella, Alwaṭaniya (Bujema ad ttiskeke)

Akli: ccuhada (Bujemεa ad ttiskeεkeε ugar) Ulac wur d-nettawi fell-asen . i times-a i yekkeren akka acimi? i wumi ? (Tasusmi tawezlat) i…wi! Yehwa-yaɣ kan nettsebbir deg ulawen-nneɣ, wamma tasusmi yettcebbiḥen imi di teswiin am ti; welleh ar d tixubbta (Kra yettmeslay wakli, Bujemεa yewhem deg-s )

Bujemεa: (s tin n wewham) Ay aziɣen qeṭṭiεeḍ! (Ibedd) limer d-yettawi wawal! Tili seg wass-n i d-nlul izdeɣ-aɣ wawal, ɣer melmi? Irgazen s ibaẓaren, tikeryas llah, llah, imeḍqan ya llah, ya llah. anida ddan nnsen, akken i d-nnan yecbeḥ. a wamma nekkni, wamma nekkni, hder neɣ qim, am win i iceṭṭḥen i uderɣal.

Dda weεli: Irgazen kettben, ma d lehẓuẓ akka am kunwi ḥettben. i kunwi d acu i ken-ixussen?

Bujemεa : ( s wesmesxer ) Ur tufiḍi d-aɣ-ixussen; ad Neḥmed Rebbi ad t-ncekker (yessuden lqaa) twalaḍd acu i d aɣ-ixussen a Dda weli? ala cwiṭ n lqerḍa n temrart akken ad nelleq iman-nneɣ; d aya i d-aγ-ixussen, daya.

Akli: Ur tefhimeḍ ara a mara. ala k-yeqqar ttεummun medden εum

Bujemεa: ṣafi d lebḥer! (Yewhem) I win ur nessin ara ad iεum?

Dda weεli: Winna yečča-t lḥut

Bujemεa: Amek, amek a Dda weli?(s ulummu) zik teqqarem-d nekkni d atmaten, tamurt yiwet, amezruy yiwen, tura tennam tuɣalem? Yak tagmat deg tegnit n tmara.

Dda weεli: (s leḥcir ) Tamara! Tamara ur tt-teddirem ara. d ayemmi i ken-swehmet kra n tyerrusin-a

Akli: Win d-tt-icudden ɣas yefsi-tt-id

Amezruy ur yettsemmiḥ ara

Win i tt-isxerben ɣas yefru-tt-id

I wakken ur tqerres ara

Ma tessaweḍ ur d-tefsi

Ma tessaweḍ ur d-tefri

Ala aqras ara teqqres

Ass-n, ass-n ad d-banen widak yeffren

At ṣṣwab ad d-sewqen

At zznad ad ssensen

ṭṭlam, ṭṭlam d nekkni ara yeṭṭef

Ad d-afen abrid ad aɣ-neqḍen

Aɣerda, aɣerda mi tessaḥellen

Ačirbuε i-as-semman

Yeεreq ur d-iban yixef-is

Asekkir 2

Asayes 1

Bujemεa

Ad d-yekcem Bujema yewwi-d akersi iteddu-d iceṭṭeḥ icennu-yas :

Yid-k, yid-k alamma yefna leεmer

Yid-k, yid-k ama terbeḥ ama texser

( s uẓawan n Ḥnifa ) dɣa ad yemmeɣ ad-t-yesres ɣer lqεa am win i t-id-yessakin yemmeɣ s ufus -is ɣer wanida i t-yesres yufa am akken ur ireṣṣa ara wemkan-nni dɣa irefd-it ad as-iiwed amkan yettnadi amkan igerrzen anida yerra yufa ur ireṣṣa ara dɣa yerra-t-id γer wemkan-nni amenzu, irefed-d tacacit-is yessfaḍay-it, yuγal yekka-ya-as-d s wadda,yuɣal yereḍ ad yeqqim am wakken yessetḥa ihuder-it .

Asayes 2

Bujema – Dda Weεli

Atan yekcem-d Dda weεli, Bujemεa yuɣal di rrif yettwehhi i Dda Weεli akken ad d-yeqqim. Dda Weεli yettxezzir-it-id s teqqseḍ, netta i tezzi i ukersi ma d Bujemεa yuγal d lqaεa iban-d d aqazzab.

Asayes 3

Bujemεa – Dda Weεli- Akli

atan yerna-d w akli ugar n Dda Weli s uxezzur alqayan, qessiḥen abrid ɣer Dda Weεli wayeḍ ɣer Bujema. Bujema yettergigi ffɣen-t idammen.

Akli d Dda Weεli ttemgabaren aniwa ara yeqqimen ɣef ukersi-nni. Yesseεreḍ Dda Weεli ad yeqqim,yesswexxer -as-t Wakli, Dda Weεli yeɣli, Bujema ad t-id-yejme dɣa infeḍ-it-id Bujema yeɣli, yuɣ-itent ula d akken yezzuɣer-d iman-is yerra-d akersi ɣer wemḍiq-is yuγal diɣ iεedda ad yeqqim Wakli yesswexxer-as akersi dda Weεli. Iruḥ Bujemεa ad t-id- yessker yeṭṭef-it deg lexnaq ineffḍ-it, Bujemεa n twaɣit yečča tiɣrit ugar tamezwarut ula d akken yuɣal ad d-yerr akersi ɣer wemḍiq-is d aseḥnunef i yesseḥnunef iman-is iwexxer ɣer deffir Akli d Dda Weli ttemxezzaren s teqseḥ dɣa ttemgabaren aniwa ara yeddmen akersi d amenzu . ad mɣent kan . Akli d Dda Weli Bujema ad isuɣ: terwi tebberwi Akli d Dda Weli ad wehmen ad yekcem yiwen umdan ala iḍarren-is ara d- yettbanen ad yerfed akersi-nni

yettkemmil

Akli Tamazirt