Yeɛreq yixef-is(VIII)

Akli: Ur tezmir ara ad aken-id creḍ akka kra wass ad temwalim?

Dda weεli: Ayen tebɣa, win tebɣa kkes-aɣ kan nekkni, xersum ur d iyi-d-rennu ara bunt, ur zriɣ ara .

Akli: Amek ur teẓẓriḍ ara, kečč ad as-tiniḍ yid-s i Tettiliḍ?

Dda weεli: (s umekti n tayri) ɣas tiṭ ɣer tiṭ ur nettemwali, ul ɣer wul nettemlili.deg yiḍ ma ara qqimeɣ iman-iw, ala nekk d tecemmaεt: tasusmi ad d-teɣli ttwaliɣ-tt tettwali-iyi-d am tcemmaεt, skud ṭṭelqa treqq, ccmaε ifessi, d nnfiḍ, ttwaliɣ: tizzegzewt, tewreɣ, tezzweɣ, …Azekka-nni mi ara d-kkreɣ, tafeɣ-d ala temlel. Sin akin ad refdeɣ lxiḍ ad rnuɣ nfiḍ ad d-ssaliɣ tacemmat.kan akken, Kan akken, kan akken …

Bujemεa: (s usmesxer) Kan akken, kan kken! D turart i tetturareḍ, neɣ d lweqt i tezzrayeḍ, neɣ d lqella ?

Dda weεli: Ulac s wacu ara zzriɣ ussan, ulac s wacu ara magreɣ azekka. lqella ara yesruḥen tilelli deg-i ur telli, ayen ara yesruḥen tilelli deg-i ur d-yettili, azekka i deg ur d-ttili tlelli awer yili .

Akli: Ur walaɣ ara acuɣef?

Bujemεa: Aniwa ara d yeddmen iles-ik ad t-id-yesseknef

Akli : ( yeṣre&epsilon,; yeγli, am win yeffeγen i lεqel-is yettεeggiḍ) Acebḥan awra&gamma,; awra&gamma,; acebḥan…

Dda Weεli : ( s usmesxer) Wayi d iɣemmi amaynut

Bujemεa: (Bujema iletha d wakli) Twalaḍ a Dda Weεli d kečči d as- igan akka.Aha ihi tura ssaki-t-id

Dda weεli: Ur lliɣ d Rebbi ad t-sseḥluɣ, Ur lliɣ d Rebbi deg waṭṭan ad as-d-rnuɣ, d tajenwitt i t-yezlan ara t-id-yessakin, d tilelli iwala ara t-id-imamin

(akli yettnuj am win yettwaqqsen irfed-it-idBujema)

Akli: (s tezlit n lunas matub)

A ttwaliɣ a ttwaliɣ, a ttwaliɣ

Agdud imi zemmen imi

Attwaliɣ, attwaliɣ, attwaliɣ

Widen yeṭṭfen aqawi

sekkir 3

Asayes 1

Akli-tarbaεt

S ucewwiq n Dda Akli yeḥyaten lğens ur nesi nniḍam, akli iselben ad d yekcem s llqec yeqqres mačči d winna akk , ileḥu s lemḥadra am win ur neẓẓri anida yella, kra yellan yettu-t, yewesswes, yugad, yekukra)

Akli: Llah llḥed ay atma, mačči d yiwet i d-aɣ-yuγen, yal tiɣmert amek d-tessawal

Tarbaεt: (s unuju) Llaẓ, tineggaẓ, tiyita n tummaẓ.

Llaẓ, tinaggaẓ, tiyita n tummaẓ.

Llaẓ, tineggaẓ, tiyita n tummaẓ

(Akli am win yeslan i wanza yugad maca ira ad iẓer yettmuqul akka d wakka)

Akli: Terwi, terwi tebberwi

Yugi ad d-ibin yixef-is

Terwi tebberwi

Ur teɛqil Faḍma argaz-is.Wa ineqq, wa

Yettaker, wa yessager aɣrum,wa ur yufi iqcer n uɣrum .

Tarbaεt: (s unuju) Llaẓ, tineggaẓ, iyita n tummaẓ.

Llaẓ, tineggaz, tiyita n tummaẓ

Llaẓ, tineggaẓ, tiyita n tummaẓ

Akli Tamazirt