Timegzert

Isufar n tuččit :

1. Awren inessaf.

2. aman

3. Tummeẓt ibawen i wumi nekkes iqcer

4. Tibselt

5. 01 ne 02 n tḥebbuyin n ṭumaṭic.

6. Tassemt taqurant

7. Amurṣu n texsayt tazeggat.

8. Tifelfelt taqurant .

9.lemleḥ,ifelfel aberkan

Aheggi n tuččit :

I uheggi n urukti :

Daxel n tbaqit ad nerr awren i nessaf, lemleḥ, ad ten-selxes s wama, ur itteḥluli ara urekti, ilaq ad yeqqar ad t-neḥri alamma yual d aleqqaq, ad as-nernu cwiṭ n waman alamma yual d arukti nezmer ad nejbed s zzit, ad ten-neqres d tiqerrisin timectaḥ,ad tent-num ad tent-neğğ ad rsent.

Aheggi n useqqi :

Daxel n tmermiḍt meqqren i wesɛen ad nerr ibawen i nessared ad ten-num s waman ,ad ten-neğǧ ad wwen akkenni deg waman azal n 15 dqiqa, ad asen-nernu lqidar n 2litrat n waman. ad as-nernu tibselt inegzem d tarqaqt, tumatic i neẓd, amursu n tassemt, tifelfelt, lemleḥ, ifelfel aberkan, amursu-nni n texsayt ara negzem d imursuyen imeqranen cwiṭ, mi yewwa useqqi-nni ad nual s arukti-nni : ad neddem yiwet n tqerist ad tt-nejbed s zzit alamma tual d tarqaqt ad tnerfed s 2 ifassen si ṭṭerf ar ṭṭerf ad tnerr sufella useqqi-nni yiwlen, ad as-nerr aummu ad ten-neğğ azal n dqiqa, ad nerfed aummu ad naf arukti-nni yulin-d d asawen , ad d-nerfed s 5 iḍuḍan talemmast n wurukti i d yulin, ma leryuf-nni ad qqimen deg useqqi, ad nexddem akka alamma nekfa tiqerriṣin-nni wa ad nettḥerrik s tenjayt n usar akken ur itezzer ara arukti-nni ar lqaɛa ad icaḍ. Ad nekkes tifelfel-nni ,ad as-nerr zzit uzemmur, syin ad tt-id-nessers.

Tamawt : arukti-nni i d nekkes seg useqqi i yumi neqqar timwwerqin ad asent-nerr zzit ,ad tent – id nessers wehd-s. Aṭas n wid ixedmen timegqert ala ɣef lǧal n temwwerqin agi, bninit aṭas.

S-ɣur Noura