Asayes 2
Akli-Bujemεa-rbaεt.Ikcem-d Bujemεa mačči am ubrid amenzu,
s llebsa zeddiget akka kra
Bujemεa: Atan wihin yuli
tarbaεt: Kkset-tt ad yali wayeḍ
Bujemεa: Atan wihin iṣubb
Dda weεli: Wexxret-tt ad yali wayeḍ
Bujemεa : Ali ṣubb, ṣubb ali, ali ṣubb, ṣubb ali. ih! I tura d aya ara nesεu d cɣel? Ali neɣ ṣubb. (tasusmi tawezlant) Limer ad teqqim ɣur-i ala aṣubbu ara d-ṣubbeḍ neεya deg usali
Akli: A nebɣa ad nwali, amek i yettalin, amek i d-Ttṣubbun?
War isem: Win yulin yuli am watmaten-is, win d Iṣubben, iṣubb-d am atmaten-is
Bujemεa: Ah, win yulin yuli am watmaten-is, win d -iṣubb. A nebɣa ad nwali aniwa i ten-id- yettṣubbun, aniwa i ten-yessalayen?
War isem: Lmut yiwet ssebat aṭas, muqel kan s azrem ɣas d asebleε i yessebla&epsilon,; mi ysum ssyada-s dayen ad t-id-idegger akenni.
Akli: Besmi lleh rreḥman rraḥim d acu ara d-yawin llmut ɣer uṣubbu d walluy? Amek i n-ttalin?
War isem: Atan dda Weεli ɣur-wen ad d-yerr i yesteqesiyen-nnwen.
Bujemεa: Yuli-n! Amek i n-yuli? Amek i yexdem alammi i n-yuli?
Dda weεli: Wara kem-yamnen a ddunit
Akli yellan d aεeqli
Mi tebεed tmuɣli
Yeɣreq di temda lqayen
Anida yedda asen-d-iṣelli
Ad asen-d-imesli
Yessakay deg yemdanen
Yeqqar kkret ad nwali
I uzekka ad nili
Ma neqqim akka ad aɣ-neqqḍen
(Bujemεa ad yettmuqul ɣer wakli)
Akli: Nwala tebrek nenna-d: attan tebrek, kkren-d ɣur-neɣ, ɣer leḥbus d aseḥlelli.wa nɣan-t, wa nfan-t, wa gezmen-as iles ur yufi ad yemmeslay. Ad suɣeɣ,ad meğğdeɣ, ad suɣeɣ. (ad yeɣli γef tgecrar) Γas tegzemem-iyi iles-iw, yella ufus-iw ad yaru, ma tegezmem-iyi afus-iw, yella uḍar-iw ad yelḥu, ɣas tenɣam-iyi anza-w, anza-w ad irezzu yal ass, yal ass…
Dda weεli: Ulac tebrek.d allen-nwent i yettwalin tebrek. Ɣas tamurt d temmlel i tessa, neɣ ala?
Bujemεa: Ih, d tidet yunzen ɣer lekdeb, win ara awen-d-yeslen akka ad-as-yini ulac am nekkni, cḍeḥ, leγna, amzun netthenna. S ufella yecbeḥ yerqem, ma ɣer daxel ah…Rebbi yeεlem. (d tikerkas)
Dda weεli: Kunwi d lqum ur neḥmid Rebbi a dderya uεekkaz, a dderya uqezzul
(ad yekcem umeddaḥ)
Asayes 3
Ameddaḥ: Yebded uεekkaz, yebded uqezzul,
S kra n win yezdin lqedd
Tiyita ad as-d-tas s aqerru
Ur yettaf ad yettru
Ur yettaf ad yessru
Ad yuɣal d uffiɣ n leεqel
W ad as-qqaren…
Bujemεa 🙁 yettlummu Akli) D acu n tmara i k-Yerran alammi i tuɣaleḍ d uffiɣ n leεqel, yak nniɣ-ak yir lqim ur yettleqqim, yir zzayla ur tettdeqqim, yir amdan hder neɣ qqim, tenniḍ:ass-a di sin azekka ad rnun sin ad nesmed tarbaεt.Aεeqqa , aεeqqa ad nesmed tirect. i wass-a? Anida-ten? anida ruḥen? Ah! Ah a win texla nniya, tettγilleḍ s kra n win i d ak-d-yekkaten afus umnen s wayen si tumeneḍ, ah a win taxla nniya, ah a win texla nniya….
Akli: Lliɣ, ad iliɣ .Ass-a azekka, Akli yella yella Ass-a azekka, Akli yella yella (yettru)
Ameddaḥ: S kra n win yettɣillen yefhem
Tagara ad yewhem
Tisselbi ad yebnu fell-as
Ad iggugem ad iṣeggem
Allaɣ yeqzuzem
Iɣisi yerza ɣer lsas
Yif-it bnadem ma yessusem
Ad igem usirem
Ahat a t-id- isaḥ yiwen wass
Bujemεa: Amek ara nessusem? amek ara Nessusem nekkni ur nesεi isem? Amek ara nessusem llaẓ deg-neγ la itellem? Amek ara nessusem…?
Akli: Nekni neḥrec nif wid yemmuten,(am wakken gar iẓekwan i yella)Atan ur teḥricem ara, twalam?Twalam anida tessawaḍ lefham? Twalam anida tessawaḍ lefhama! Atan temmutem ah! Xaṭi mačči d lmut i temmutem d timenɣiwt i d aken-nɣan wa s rrsas, wa s ujenwi, wa d axnaq twalam anida tessawaḍ lefhama! A di tmurt-a bab llḥeq medlul, a medlul ….
Bujemεa: Γas nfan, ɣas nfan
ɣas nfan, ɣas fnan
Deg ulawen mazal-iten llan
ɣas nfan, ɣas fnan
Tibḥirt n tmussni ur tneqqeḍ ara
ɣas fnan, ɣas nfan
Tamda n tẓuri ur tettɣar ara
ɣas nnfan, ɣas fnan
Abrid n tugdut ur as-nxeṭṭu yara
ɣas nnfan, ɣas fnan
Ma mazal tedder tyemmatt
ur nettagad ara .
Akken nebɣu nettu, akken nebɣu nettu ad d-ilal win ara ɣ-d-yesmektin
Ameddaḥ: ruḥ a mmi ruḥ, imeṭṭi d leğruḥ awi-d ad nessider rruḥ, Lulen-d fnan, fnan lulen-d d wa d lkar n ddunit.Wa ad-ilal wa ad yemmet,wa d rrabeḥ,wa d lxaser wa d lḥakem,wa d lmeḥkum.tta i d ddunit, akka i d ddunit .
Dda Weεli: Akken i d ak -qqareɣ, akka i d irgazen muqel s amdan: ad d-ilal ad yettdaddac, ad irebbi tuεlac, ad yimɣur, ad ixeddem, ad as nezweğ maca rray s ɣur…
Akli: S ɣur baba-s (yemmekta-d) ala, xaṭi! rray s ɣur mamma-s, s tamart d claɣem ar tura ttwalin-iyi-d meẓẓiyeɣ? Melmi ara imγureɣ, alamma mmuteɣ?
Dda weεli: Ruḥ-t ad txedmem
Bujema: Aha ur tettmerrig ara, ad nexdem…!anida ara nexdem ? wid i xeddmen tettḍeggirem-ten-id ɣer berra nekni ad nexdem, ad nexdem ! ičči aɣrum, ad yexdem ad iceyye&epsilon,; a lexrif awi-d zazza, atan yexdem.
Akli: Kker s yin, kker, kker i d ak-nniɣ, d amḍiq-ik…? amek… ad xelseɣ&hellip,; ula d amkan i tiɣimit yuɣal s lexlas ! aha kker fell-ak awwww! anida, anida ?ar lxedma akk i d-tusam , ad txedmem akk .Ahaw ihi wa s deffir wa ayya. Iw wexxer ɣer deffir, i kečč anida ahak i wihin anida, anida? ah ad twaliḍ yiwen .wexxer keččini iyyaɣ kemmini iyyaɣ wexxer-as ad d-εeddi keččini …ahak anida ? ah …ad teẓreḍ yiwen. Safi ad teẓrem akk yiwen iwen, iceyyeε –iken-id akk yiwen yiwen. Ahaw ihi win yesεan tuyat ad yeṭṭef amḍiq
Dda weεli: ruḥ-t ad tzewğem
Bujemεa: Ad nezweğ ? d acu ara k-iniγ a Dda Weεli ur nestufa ara. A tura nettnadi aniwa ara ɣ-d-ixeṭṭben a d nekkni ara yeddun
Dda weεli: Ala ayen i d-ufiɣ ɣur-wen
Bujemεa: Nekkni s yelmeẓyen-a i d-yekkren nemcawar, nemsefham, akken ad nezweğ ɣur-neɣ kra n temsal ilaq ad tent-nefru.
Dda weεli: D acu-tent ?
Bujemεa: D timecṭuḥin, d tifessasin
Dda weεli: Ih, d acu-tent?
Bujemεa: Tamenzut ilaq ad tili txeddem
Dda weεli: Kunwi ad tegganem
Bujemεa: Ad ngen ih
Dda weεli: Tis-snat
Bujemεa: Ilaq ad tesεu axxam. Axxi aqiḍun, neɣ ajdar
Dda weεli: i tis tlata?
Bujemεa: Ad tili n da n dihin
Dda weεli: D acu-tt tayi n da n dihin
Bujemεa: Aḍar da wayeḍ dihin
Dda weεli: Ur fhimeɣ ara
Bujemεa: Twalaḍ a Dda Weεli ad tesεu dubel nasyunaliti
Dda weεli: Amek ad tnekrem tajaddit?
Bujemεa: A faqu, ad nenker tajaddit. Twalaḍ a Dda Weεli a tesεa dubel nasyunaliti ad tig Rebbi : d taqudart, d taεibant, yiwet n tiṭ, yiwen uḍar, yiwen ufus, meqbulet
Akli: Nekk-i! Zewğeɣ γur-i dderya acḥal? Deg bismi llah alammi d lḥemdu lillah. ɣran akk wa d atiknisyan n ruḥ tuɣaleḍ, wayeḍ d filu, filu zzef (takerda) wayeḍ lisensyi ḥitist. Lxedma? Xeddmen akk wa s ubidun n ccema, wa s tcekkart n kawkaw, ih kawkaw germec; yella yiwen d amaẓuẓ at iḥerz Rebbi yewwi-d imani-s, winna yif-iten akken ma llan. Degmi ara d-yekker tafejrit, tafejrit ad yekcem ɣer laduc laduc-nneɣ d laduc snat n lmitrat kullec din ad d-yawi yid-s abidun n lejjal, ath: ḍlu ma ur teḍliḍ ad yeffeɣ ad as-tiniḍ temceḥ-it tfunast yesεa yiwen umḍiq din i yetɣama. Zdat n tewwurt n lisi attan tεedda, attan tuɣal-d, attan tεedda atan tuɣal-d…., amek ad zewğeɣ? Nekk ɣurren-iyi-d ad rnuɣ ad d ɣurreɣ wiyiḍ! aya fisṭa
Dda weεli: (s temεayrit) Wali tura! Axxam-is ur d as-yezmir ɣer lğameε yeṭṭef amezzir. Ruḥ-t tura ad tesbeddem ixxamen-nwen imir truḥem-d ad tesbeddem tamurt
Bujemεa: Tamurt deg wacḥal-aya i tbedd tmurt dɣa nekk ur as-d-cfiɣ ara. ur tufiḍ d acu aɣ-ixussen d adrar yella, d luḍa tella, d sseḥra tella, d lebḥer yella. Nesεa lbaẓarizm, nesεa ssusyalizm, nesεa dimuqratizm, nesεa leɣyulizm, nesεa lbuhyufizm, nesεa lemcicizm, nesεa lturizm, nesεa lti…ru…ri…..ẓẓem, nesεa kra ma yellan ah! ttuɣ tebɣam ad ternum d asawen ma d nekni ad aγ teğğem deg udaynin-a. iwacu imi ken-nesεa ? yak i waya
Ameddaḥ: Ad taɣem tagut, ad taɣem tagut.Tagut-nni taεlayant.Ad taɣem tagut, wa d- taγem tagut. Win yuḍnen tamussni ad d-yas, win yuḍnen leḥmala ad d-yas ad taɣem tagut, wa d-taɣem tagut
Bujemεa: Aniwa ara kem-yamnen a ddunit! Akli yellan d lfahem, deg wiyaḍ yessefham,
yumen s umgired, yumen s tmussni.yiwen wass i d-yenna tidet, yeqqen aɣyul
Dda weεli: ḥemd-t Rebbi isaḥ-it-id weɣyul yeqqen-it.ih! Win ur neḥric ad yernu ad yettkerric
Bujemεa: Ur yeḥric, ur yettkerric, ur yettẓemmi. tsuγem-d ɣer lewqama
Tarbaεt: A lewqama,a lewqama,a lewqama.
Bujemεa: Nuzzel, nεawez, n bekker, nelluẓ neεra. tagara n temsal: kunwi tedmem lewqama nekni tṣaḥ-aɣ-d nndama ; ula d nndama-nni i d aɣ-d-iṣaḥen, wwin-tt kra xaḍen-tt-id d ijellaben i ckama. Ad nεel bu n lewqama am ta. nsuɣ-d ɣer tmezduɣt!
Akli Tamazirt