Ccix n lkanun n Numidya n Wehran : aḍris ifazen Axxam n yidles Mouloud Mammeri yessuddes-d taggara n temlilit tis mraw ( 10) n wussan iɣelnawen n umezgun amaziɣ, yellan d tajmlit i unaẓur Ɛumer Fetmuc. Ussan-agi n umezgun amaziɣ thegga-ten-id tiddukla tadelsant « amzegun n Geṛǧer » n Iwaḍiyen. Deg wass-agi aneggaru n temlilit, ttunefken yigerdasen ( diplômes) n uttiki i tirebbuyaɛ i d-yegren iman-nsent ɣer unnar n temzizelt. Ayen yeṭṭfen lwelha d akken arraz amenzu ur yettunefk ara sɣur tesqamut n waktazal(le jury).
Yettunefk deg ubdil-is « arraz n tesqamut » i terbaɛt « tallet » Nat Wasif. Si tama nniḍen, Wisam Ɛutmani n terbaɛt « akufi n yigujilen » n Barbaca tewwi arraz amenzu n tizafayin( rôle féminin) ma yal d Buxnuf n terbaɛt « itran » n Yilula Umalu akked Citer Sufiyan n terbaɛt « Numidya n Lezzayer » wwin arraz amenzu n yizafayen ( rôle masculin).
Am wakken diɣ yettunefk warraz amenzu i udris ifazen nezzeh « cix n lkanun » n terbaɛt « Numidya n Wehran ». Yuɣ lḥal, aḍris-agi, yufrar-d di tfaska n umezgun amaziɣ i d-yellan akka deg waggur n dujember yezrin di Batna. Aya ur yessewhem ara imi tarbeɛt n « Numdiya n Wehran » tettwassen s leqdic- ines ireẓnen deg uḥric n yidles Amaziɣ labeɛda deg wayen yeqnen ɣer umezgun.
Ait Slimane Hamid