Imezdaɣ n taddart Ibkran deg tama n Buzeggan deg usammar n lwilaya n Tizi wezzu, sfaydan-d s unekcum n lgaz ɣer yixxamen-nsen deg wussan-a yezrin. , Asenfar-a d win i d-yernan ɣef win n ucuddu n wazal n 820 n yixxamen deg tudrin n At saɛid, at Ikan d Ibyisfan. Ad nerr lwelha belli, aṭas n temnaḍin n lwilaya i mazal ttrajunt asenfar yecban wa, imi aṭas n lecɣal i yeqqimen di leɛḍil s ssebba n yibeddi n kra n yimdanen mgal aɛeddi n uqadus deg tferkiwin-nsen. D taluft daɣ i yellan deffir n waṭas n cwalat i tedder temnaḍt n Leqbayel anda aṭas n yiberdan i yettwagezmen.
D.I
Draɛ ben Xedda
Ttawilat imaynuten i sbiṭer
Sbiṭar n Draɛ Ben Xedda i yettuxeṣṣenn deg lehlak n wul n warrac imeẓyanen, d win i d- yesfaydin s ttawilat atraren ilemend n tulya- ines deg kra n wussan i d- iteddun. Yiwet n tedrimt meqren s wazal n 1.5 imelyaren n santim i yettuheggan ilemend n waya. Ad nerr tamawat belli sbiṭar-a yettwabnan ɣef teɣzi n 80 n yihikṭareni llan deg-s 80 n yimekwan. Aṭas n tamiwin ara yecban Tubiret, Bgayet d Boumerdès ara yesfaydan s umkan-a.
D.I