Imfergen n JSK ruḥen ass n 2 di furar 2012 ruhen γer unnaar-is iwakken ad sutren rwaḥ n uselway MOH CHERIF HANNACHI seg umekkan-is. Σlaḥsab-nsen d netta i d sebba n yir igemmad n JSK deg yiseggasen-agi ineggura. Igemmad ur ngerrez ara d wawal yeqwan deg uxxan n JSK yecγeb yal aqbayli imi d azamul n teqbaylit. Ula d Radyu tis snat texdem tadwilt γef liḥala n JSK ass n 3 di furar 2012 si 10h armi d 11h. Nnuba-a ihegga-tt-id uneγmas Noureddine SAIDDANI deg tedwilt « Tasγunt n ddabex ». inced-d Mass Azeddine AIT DJOUDI, yessawel, daγen, i kran n yimyurar n zik di JSK am Hamid SADMI ,Mouloud IBOUD,BELAHSEN d uselway n useqammu n yimfergen Mass Aziz BELAHSEN akken ad d-fken rray-nsen γef wayen yeṭṭarun deg uxxam n JSK. Ha-t-an d acu i d-yenna yal yiwen. A. AIT DJOUDI « ur nezmir ara ad nenker ayen yexdem M. HANNACHI maca tura yewwed-d lweqt n ubeddel ,ilaq ad tili la transition… ». « Akka ula d tayemmat mi ara taḍen ula d arraw-is ad aḍnen yid-s. » Akka i d-yenna H. SADMI . « Nekk aql-i helkeγ ,ilaq umesfhem gar tarwa n JSK imi JSK d tigejdit n yal aqbayli; ayen akk iṭṭarun d lεib ameqqran, la ttaḍsan fell-aγ …Llan seg warraw n JSK wid i izemren ad seddun tarbaεt akken ilaq… ». Ma BELAHSEN yenna-d: « imi d-kkren imfergen, donc yella d acu i yellan. Ur d-ttekren ara kan akka ; ilaq ad yili umaynut d ubeddel ,tlaq tifrat ncalleh ad tuγal JSK d tinna n yiseggasen 80… ». Ma d M. IBOUD yenna-d: « ur yessefraḥ ara ,ur yecbiḥ ayen akka ara iṭṭarun imi JSK d tarbaεt meqqren ; laqen yirgazen iwulmen ,tlaq tegmat. Daγen tiγri i yimfergen ad xemmen s leεqel d lmaεqul … ». Ar taggara, nessaram ad tuγal JSK d tinna n zik wa ad uγalen warraw-is akken ad texdem igemmad yelhan imi ula d nettat d timent n yal amaziγ.
D. SAID LHADJ