Deg wussan-a n udfel, yiwen n urgaz yesɛan azal n 50 n yiseggasen di lɛemr-is yessufeɣ tarwiḥt s ssebba n usemmiḍ i t-yeṭṭfen deg berra. Amdan-a, ɣef leḥsab n yisallen i aɣ-d-yewḍen, d win ur nemlik ara leɛqel-is akken ilaq, imi tudert-is akk d amenṭer d tguni di berra.
d imsebriden i yufan tafekka-s ɣer tama n lḥemmam yellan di temdint-a. imir, iɣallen n usellek ssawḍen-d s amkan iwakken ad t-naqlen ɣer sbiṭer.
si tama-nsen, srabes n laman ldin yiwen n unadi ara ten-yessiwḍen ɣer tifin n ssebba n tmettant n umdan, ɣas akken tuget n yimezdaɣ fran-tt dakken d asemmiḍ qessiḥen d udfel i d-yeɣlin s ṭṭaqa di temnaḍt i izemren ad teskew tafekka n umdan-a ur nesɛi axxam wala imawlan.
d ayen dɣa i d-isersen leḥzen meqren di temdint n Ain Bessem yesḥasfen mačči d kra s liḥala iɣer tewweḍ teswiɛt anda ttmettaten yimdanen seg usemmiḍ !
S. M