I tikelt tamezwarut ara d-tili tfaska n yidles “Muḥend Saɛid Amlikec” di Bgayet deg ussan n 28 alamma d 31 meɣres i d-iteddun. Aṭas n leqdic ara d-yili beddemma ama di Tezmalt, ama di Buǧellil neɣ deg At Mlikec. Tmanya n imukan deg-i ara d-tili: ddifili n trebbuyaɛ n fulklur ara d-yasen si ɛecrin n lwilayat n tmurt-nneɣ, ad d-tili yiwet n taddart n lḥirfat n ufus, yiwet n temzikent meqqren seg wayen i d-ǧǧan lejdud, d tagnit daɣen i tsekla, i weznuzu n yidlisen d ubuddu-nnsen s uneḥdur n yemyura, am wakken ara d-tili tmedyazt, amezgun, timucuha, tineqqisin d ccna. Bgayet telha, d rruḥ n inazuren!
Zira