Nnan At zik ‘’akken yella wass ad t-yeks umeksa’’. Aya iban-d, dγa, deg ussan-agi n udfel. Xas akken taswiεt teẓmek meεna imdanen ttafen-as-d ttawil iwulmen i yal tagnit. Ihi, yiwet n tmeṭṭut qrib ad d-terbu u ilaq ad truḥ γer sbiṭer, acukan iberdan, am wakken neẓra, ireggel-iten udfel. S ṭṭunubil ur yili wamek, sbiṭer yebεed ciṭ, ad d-tarew deg uxxam ‘’teẓram Sut tura amek’’, ilaq ad truḥ. Yekker yiwen yewwi-tt s bulldozer. Aya yeḍra di tama n Wagennun. Daymi i d-yenna Nadir:’’zik rran lkar d akamyun, tura rran abilduẓir d lumbiluns.’’
Deg yiseggasen iεeddan, akka dγa i teḍra d yiwet n tmeṭṭut mi truḥ ad d-terbu, teḥṣel ṭṭunubil i tt-yewwin deg udfel. Ur tezmir ad tkemmel, ur tezmir ad d-tuγal γer deffir. Ihi, kren-d yimezdaγ refden takerrus-nni daxel-is tameṭṭut armi d sbiṭer u turew-d mebla aεewiq.
Hocine. M