Di lweqt-is, Nnnbi yettban-d d atrar ‘’yessifilizi’’.D tagi i d tikti i d-yufraren di tira n wid i d-yessneṭqen tameddurt-is. Deg yiwen usaru (documentaire) i d-thegga Lila Salmi i yiwet n tilibizyu taberranit, taneγmast-a tesseqsa wid yuran tameddurt n Nnbi γef wassaγen yellan gar-as akked tlawin. Di tazwara kan, nnan-d:’’ Nnbi iḥemmel 3 leḥwayej: rwayeḥ (Parfums), tilawin akked tẓallit. Mačči am yimṭurfa-agi i yefkan tamuγli-nniḍen i lislam’’. Xas akken lislam iquder u yefka azal i tmeṭṭut, meεna At iččumar mazal ḥettben tameṭṭut d ciṭan; ilaq ad tettwaḥbes u ad teḥjeb (ad tells lḥijab). S wakka ara sneqsen, dγa, ciṭ di lxuf-nni i ten-izedγen acku γef wakken i d-tenna la psychanalyse, argaz yesεa dima ciṭ akka n lxuf γer tmeṭṭut. Acu kan ma nuγal γer umezruy n Yiεraben, ad naf ‘’di ccetla-nsen i tt-ufan, di txessart i d-ttlalen.’’ Zik-nni ttemḍalen tiḥdayin d timuddurin, qqaren d zyada n yiqemmac ara nesεic. Meεna llant tlawin, xas akken drus maḍi, i yesεan azal ameqqran di lweqt-nni. Gar-asent, ihi, Khadidja. Dγa, d nettat i yessawḍen Nnbi γer tqacuct : d nettat i t-yerran ad yesεu ccan ameqqran gar yimdanen imi netta yella, yakan, d ameksa uqbel ad yuγal ad ixeddem d ametjar γer Khadidja. Ula d netta, γef wakken d-nnan, yeḥrec di lbiε u cra, amek wakken, di&gamma,; d argaz bu tissas, d bab n wawal. Deg wakken i t-tḥemmel Khadidja, d nettat i t-iḍelben γer zwağ : tceyyeε-as taxeddamt-is. Ula d netta iḥemmel-itt, u yettqadar-itt, dγa din din yeqbel. Anwa argaz ara iqeblen ass-a ad truḥ tmeṭṭut s imawlan-is i wakken ad t-id-texḍeb ?! Telha tagi !!! Ihi, Nnbi yessifilizi nnig wigi n tura. Yefka azal i tmeṭṭut dayen kan.
Mebla ma nettu dakken d Khadidja i d tineslemt tamezwarut imi d nettat iwumi yeḥka srid ayen i as-yeḍran di Γar Hira. Meεna, γer Wat iččumar, ayagi d leḥram : ulamek d tameṭṭut ara yilin d tineslemt tamezwarut ! Ruḥ sefhem-asen kečč !
Di lqern-nni wis 7, Iεraben zemren ad aγen ayen i asen-yehwan n tlawin. D timetti-nsen i d-yennan akka. Acu kan Nnbi yeqqim 25 n yiseggasen akked Khadidja : armi temmut u mebla ma yerna-d γur-s tiyaḍ. Argaz n wass-a wis ma yezmer ad yeqqim 25 n wussan d tmṭṭut-is fidèle ?hahaha.
Mi temmut Khadidja, mebεed 10 n yiseggasen seg-mi yuγal d Nnbi, yettwaḥras sγur Wat Mekka. Teγli ciṭ yis-s si tama-agi n tsertit, tessaweḍ-it teswiεt armi yunag γer Lmadina. Din yemlal d yiwet n tmeṭṭut, Aĭcha. Γef wakken d-ḥkan, myeḥmalen d axessar. ‘’Yufa useğğig lemtel-is’’. Ula mi ara yettẓalla, tessudun-it. Nnan-d ufan iman-nsen di sin dayen kan. S wanect-agi, dγa, i yemgarad umdan d uγersiw εlaḥsab n wayen i d-yenna Nnbi. Acu kan, di Lmadina, Nnbi yuγal am wid-nsen : yerna-d tilawin-nniḍen. Yexdem ayen i xeddmen yirgazen, meḥsub ‘’Harem’’. Xas yesεa aṭas n tlawin, meεna yal ta tettawi lḥeqq-is. Yeεreḍ akken ad yili d aḥeqqani. Tilawin-nni ttemyussament gar-asen, ulac tin ara isemḥen di nnuba-as. Am wakka,dγa, ma tella yiwet tehlek, ad tefk nnuba-s i tayeḍ meεna asmi ara teḥlu ad as-d-terr lxir-is.
Ayagi yessehlek mliḥ Aĭcha, ula d Nnbi yettuqelleq. Di tallit-nni dγa i d-iweṣṣa Rebbi imdanen deg yiwet n Laya iwakken ad aγen kan 4 tlawin, yerna ma zemren. Xas akken yeẓra ur zmiren ara ad sεedlen gar-asent, yeğğa-asen lxetyar. Kra qqaren-d, ulamek ad ten-id-iṣubb srid seg waṭas n tlawin γer yiwet kan. Passage pédagogique. Nnbi, γef wakken d-nnan, yefka tilelli i tmeṭṭut. Yettmeslay yid-sent, iferru timsalt-nsent. Yeḍleb ad sεunt amur di lewrata. Meεna ula di tallit-nni llan yimṭurfa i yettagin aya, gar-asen dγa, Omar. Wagi, yewεer mačči d kra. Yeεreḍ akken ad asent-yekkes akk yizerfan-agi. Dγa ttagadent-t tlawin mliḥ imi yeqqur wul-is. Γer taggara n tudert, Nnbi yesεedda ussan-is yineggura deg uxxam n Aĭcha, yemmut gar yifassen-is. Akken i as-yenna ZEDEK : ‘’mi ara ḥemel&gamma,; ḥemelγ’’. I lukan imdanen-agi imṭurfa ad d-cfun Nnbi di lefεayel-is mačči kan di llebsa-s neγ deg udem-is, mačči xir?
Leqran sfehmen-t-id yirgazen, i wacuγer ur t-id-ssefhament ara tlawin ula d nutenti ?
Timetti xedmen-tt yirgazen i yirgazen. I lukan ad bdunt tlawin timetti-nsent ass n 8 di meγres-agi, uqbel ad d-ilal Omar-nniḍen ass n 10 di maggu i d-iteddun ?
Hocine.M