Taddart-a i d-yezgan deg lqeṛn n unẓul n lwilaya n Bgayet seg acḥal-aya yakan imezdaγ-is ttemlilin ugur deg umesni. Sennig n tmersit(gare) n tmacint i yellan seg zik, ulac ayen-nniḍien ama d lkaṛ neγ d aṭaksi neγ xeṛsum aklundista yellan d ttawilat n usiweḍ i yezmer ad yessexdem yal yiwen ma yebγa ad iṛuḥ sani. Σlaḥsab n kra n yimezdaγ i d wi nemlal mi d-nεedda syinna, »Γas ma taγiwant n Boudjelil tewεed-iten acḥal d tikelt akken ad sen-texdem ttawil maca ar ass-a mazal imezdaγ ur ufin ara wid ara ten-yawin, ladγa ticki i bγan ad ṛuḥen γer wamas n tγiwant i d-yezgan di Boudjelil neγ timnaḍin ideg sεan lecγalat ama deg Uḥnif neγ deg Mechdellah ».I yellan d ttawil iss d-ttefγen ala tamacint, tin i d-yettasen seg Qsenṭina γer Lezzayer Tamanaγt neγ tin i yettṛuḥun seg Beni Mansour γer Bgayet, wi i wid yettsafaṛen γef libεid, ma dinna yakan γer yimukan i d-iqeṛben, Boudjelil neγ Maillot (Mechdellah), kečč d zzheṛ-ik ma yella kra n unahaṛ i d-yehda Rebbi yewwi-k!
Mokrane Chikhi