Nnan at zik s izik aẓar ijebbed ɣer tara, nebla aẓar ur tgem tara, ulama tegreḍ-t deg waman, acku ayen ɣef i tebded tilin ur yelli-ara. D alammi ɣas akken nekk-ad seg yiwen, maca tameddurt terra-aɣ ɣef waṭas, amzun akken ur d nekki seg-yiwen.
Aya d ayen ara ad d-naf yurez ɣer tikli n yal yiwen.ama deg yiman-is ɣer yiman-is, neɣ deg yiman-is ger wiyaḍ, yal yiwen d tudert.
Buɛfif: Ay agellid, nekk ad ak-iniɣ awer nettru. Abrid-a ddan ak deg-s medden, maca wa s Tɣawla wa s umrureḍ wa yedda-t ṣafi wa s urkas, wa s usebbaḍ, yal yiwen amek wa yessaweḍ wa yewweḍ, wa ssawḍen-t
Agellid: Ihi tirirt d ta maca werɛad ad truḥem ɣur-i asteqsi aneggaru d wa i d tasarutt n uzekka
Asekkir 8
Asyes 1
Deg uxxam n ugellid
Agellid yeqqim ger yigenni d tmurt yeɛluleq,s kra n usteqsi i d yefka, tella-d fella-s tririt
Agellid: Awah! D nekk i d agellid! Ala nekk i d Agellid. Amek! Γur-i tamusni deg-i i tḥebbes, d nekk i d tamussni.
Asyes 2
Agellid- Amecḥuḍ- lweswas
Mecḥuḍ: A sidi, ma tessurefd-iyi, ur ak-d-tewwi ara ad tmerteḍ iman-ik akka akk annecta
Agellid: Ah!
Mecḥuḍ: D ayen fessusen maca, mačči
Agellid: Amek?
Mecḥuḍ: Sseɣzef amrar, sseɣzef amrar
Agellid: Ih! Aseɣzef n umrar felli ad d-yezzi.
Lweswas: Allen-nneɣ ẓerrent
Agellid: Ah! ẓerren (s ustehzi) tamuɣli uyaẓiḍ ɣer udaynin a teqqareḍ yerfef la ddar la ddewar
Mecḥuḍ: Ma tessurfeḍ-iyi ad ak-Iniɣ: Ma yella i as Txedmeḍ, taddart ad tenneqlab fell-aɣ .ih! Kečč tettmudduḍ-d isteqsiyen, netta yettara-d fell-asen. Ma yella kra i as tgiḍ azekka-nni ɣef win i d-tettmeslayeḍ ad yemsu ur as-newwi, ad innegzi fell-aɣ ad tezzi.
Agellid: I wayen i ak-d-nniɣ?
Lweswas: Lecɣal aten-id teddun tikli n waman.
Agellid: Amek?
Mecḥuḍ: Tazerraɛt tmeqqi, tgem, ma yella t ttess ayen i as-d-iwwi nekkni nezzi-as-d s terga n waman. akken ad tgem, ad tehtetti, maca lɣella ad d-yawi Rebbi.
Agellid: Ma tegma ad terr tili. Maca ma ulac lɣella i tt-yettganin…
Mecḥuḍ: Ad tgem…..ad theṭeṭṭi, maca ma ulac Lɣella i tt-yettganin d times, ɣur-s ad nesseḥmu wa neseww tagella-nneɣ
Agellid: Ihi, ad tt-nesgem, ad tt-nestehṭeṭṭi, mi terra tili, lɣella ulac…
Mecḥuḍ: Ad yimir yimi fella-s,i tura wihin i wacu-t, ulac deg-s nnfeε
Agellid: Lğedra n wuffal (s taḍsa) yettɣil yedder ah ah ah …
Mecḥuḍ: Lğedra n wuffal, si lebɛid yerra tili win issenden ɣer-s tewwi-t tuqqiṭ.
Agellid: Ad nwali. (Agellid yeffeɣ yerna Mecḥuḍ)
Asayes 3
Lweswas-Mexnečč
Lweswas: Ah!
Mexnečč: Ufiɣ-t kan
Lweswas: D tifin i t-tufiḍ?
Mexnečč: ẓriɣ-t
Lweswas : Ah! Ufiɣ-t ? ẓriɣ-t rnu-d diɣen.
Mexnečč: Mačči ala wa
Lweswas: D waniwa?
Mexnečč: Amerɣu, ih…amerɣu
Lweswas: Amerɣu! (Yewhem) ih rnu-d diɣ
Mexnečč: Amerɣun, iḥqa! Atan yettsellim-d fell-ak.
Lweswas: Amek! (s zɛaf) yettsellim-d fell-i! Aniwa-t Umerɣun-a .
Mexnečč: Wissen! Sliɣ-as kan mi as yenna: Dayen tefra.
Lweswas: Aniwa diɣen?
Mexnečč: lemṭenṭen, yuɛer lemṭenṭen,yuɛer. Lemṭenṭen d lemṭenṭen.
Lweswas: Amek?
Mxnečč: Yuɛer (s usirxes) yuɛer!
Lweswas: (s usirxes) yuɛer!
Mexnečč: Yuɛer!
Lweswas: Amek alami i k ɛeqlen?
Mexnečč: Dduriɣ-asen
Lweswas: Tedduriḍ! Awah! D lekdeb imzendeq, awah yella win tesneḍ deg-sen.
Mexnečč: Ur tufiḍ win i ssneγ
Lweswas 🙁 yeṭṭef-it deg lexnaq) yella win tessneḍ
Mexnečč: Ssneɣ-ten akk, maca nutni ur d-iyi-ssinen ara
Lweswas:Tagi telha! Telha, telha tagi!
Mexnečč: Ih, ur ẓẓrin ara d acu-iyi
Lweswas: I tura! ẓran.
Mexnečč: ẓran, ur ẓrin
Lweswas: (s leεyaḍ) ẓran naɣ ur ẓrin ara?
Mexnečč: ẓran
Lweswas: Terwi, terwi, terwi fella-k
Mexnečč: I umerɣu?
Lweswas: D acu amerγun! D acu?
Mexnečč: Ula d kečč terwi fella-k
Lweswas: (s talwit) ini-iyi-d kan tidet
Mexneč: Ma ad iyi-d-tiniḍ ula d kečč, tidet.
Lweswas: Aha, aha
Mexnečč: Amek! Aha ah.
Lweswas: (s uḥellel) ini-d
Mexnečč: Ula d kečč aha ini-d.
Lweswas: Iw! Twalaḍ acu-iyi neɣ tettuḍ
Mexnečč: Am kečč am nekk ur tufiḍ d acu-aɣ.
Lweswas: Amek!
Mexnečč: lweswas, ad teglud yes-i, naɣ ad gluɣ yes-k. meqqar ad anili am yiwen, anida lliɣ am akken telliḍ anida telliḍ am wakken lliɣ ah!
Lweswas: Yaaaah! Waqila tedrewceḍ, nekk ad iliɣ am kečč awwah!
Mexnečč: Awah …! A ruḥ Lweswas (s leɛyaḍ) aha ṭra ini-d
Mexnečč: Awal tesliḍ as akken tebɣiḍ
Lweswas: A ruḥ a sidi
Mexnečč: Amek!
Lweswas: Amerɣud, maca amerγud d ameddakel n Temẓi, akken i d nekker am wayetmaten, Akken neddukul, temẓi tesdukkel-aɣ temɣer tebḍa-aɣ,yal yiwen d abrid yefren, ɣas nemgarrad di tmuɣli maca nettmeyeẓra nekk ẓriɣ atah wayen yellan
Mexnečč: Ayɣer tugiḍ ad d tiniḍ?
Lweswas: Ayen yellan di lqaɛa yemgarrad ɣef win yellan deg yixef, ɣas d yiwen maca, ixef d ixef, s tmuɣli lqaɛa d lqaɛa
Mexnečč: Tenniḍ-d akken i d-tekkrem, yiwet n ttrebga-nwent, di yiwet n tala i d-teswam
Lweswas: Ih, di yiwet n tala, maca aman i d-neswa wa ffɣen-as-d d tidi, yengef yeɛya,wa d Imeṭṭi amzun texla,wa yuɣal am waman iteddu akken ddan waman
Mexnečč: I tura amek?
Lweswas: Teqqim-d deg-neɣ.
Mexnečč: Nekk d kečč
Lweswas: Win i as-yennan lexla i yexla d iman-is i kečč amek tesneḍ lemḍenḍen?
Mexnečč: Ula d nekk am netta d lemḍenḍen
Lweswas: Iban
Mexnečč: Amek i teẓriḍ?
Lweswas: Ih! A mexnečč lliɣ yakan anida i telliḍ akka .sya i d- ɛeddaɣ
Mexnečč: Nekker-d d igujilen am netta am nekk. tiggujelt d llaẓ rnu win ara k-yenhun ulac, Ih! Am yefrax i d-yeɣlin di lɛecc aṭas n yiqemmac i aɣ-d-izzin, kra din yessefrurex deg-neɣ,taɣart n uqerru nuγal ayen i d-yewwi wasif yeḥlel .nessidir tarwiḥt alami akka meqqrit ih! Qqaren argaz s urgaz Rebbi iman-is iga iyi-d Rebbi tawurt, aqli da ntett aɣrum
Akli Tamazirt