Nnan at zik s izik aẓar ijebbed ɣer tara, nebla aẓar ur tgem tara, ulama tegreḍ-t deg waman, acku ayen ɣef i tebded tilin ur yelli-ara. D alammi ɣas akken nekk-ad seg yiwen, maca tameddurt terra-aɣ ɣef waṭas, amzun akken ur d nekki seg-yiwen.
Aya d ayen ara ad d-naf yurez ɣer tikli n yal yiwen.ama deg yiman-is ɣer yiman-is, neɣ deg yiman-is ger wiyaḍ, yal yiwen d tudert.
Asayes 5
Agellid: Ma ulac tadukli tenger, tamurt akken ad tennerni ad taz ɣer zdat. Tamenzut d tadukli, s yin d ixeddim
Lweswas: Tadukli d ixeddim, slalayen-d Tazmart,tazmart tettawi ɣer tmussni, tamussni tessufuɣ ɣer talwit d wa i d azekka.
Agellid: Daya i nessaram, ih anida tewweḍ teswiɛt
Mecḥuḍ: Tteddu akken ddan waman. Agellid: yya ad twalid iyya.
Asekkir 9
Asayes 1
Buɛfif, Amerɣud, Lemṭenṭen, Mḥend uccen.Mexnečč ataya, i walat kan Buɛfif iɛeggeḍ isemma, Mexnečč yessawal-as-d i lemṭenṭen, lemṭenṭen iger ɣer-s
Buɛfif: Atan diɣ! Mḥend uccen: Ah! Amerɣud: D acu? Yuḥwağ-it
Mḥend Uccen: Aql-ak tettweswiseḍ akk
Buɛfif: Amek! Ttweswiseɣ? D tidet i yezran ala win yewten d win yettewten Amerɣud: Atan diɣ, amzun ala kečč i yellan, fella-k i tebna Mḥend uccen: D acu i yeḍran? Amerɣud: anef-as ad ixerref, yestufa. (Yuɣal-d lemṭenṭen yecreh) Lemṭenṭen: Tefra, awal yewweḍ, yuɣal-d akken iwata
Buɛfif: Ah! Tefra ɣur-k, tezram ala ayagi ur qebbleɣ ara fernet. Amerɣud: D acu?
Buɛfif: Ad awen fkeɣ snat tesɣar, hib d nekk neɣ d imeddukal id tesnulfam, ih tesɛam immeddukal
Mḥend uccen: Ulac win ur uɣur ara immeddukal
Buɛfif: Yella umeddakel, yella umeddakel
Lemṭenṭen: D tidet yella umeddakel, yella.yid-k mačči d imeddukal? Buɛfif: D imeddukal
Lemṭenṭen: D tikerkas, yella kra n was i neddukel? Akken i d- Nekker? Kečč n at …uzriɣ ara? Nekk..Nat ula…
Buɛfif: D netta?
Lemṭenṭen: Ur ẓriɣ ara Amerɣud: Ini-d ibabaten-nneɣ yenɣa-ten yal yiwen amek ass-a nettḥarab ɣef baba-k, akken nettḥarab ɣef yiman-nneɣ acku ula d nekkni am ass-a anuɣal d ibabaten.
Lemṭenṭen: Limer i tenɣiḍ baba-k am tterka yinatili ur aγ-d ttafeḍ ara ass-a da ɣur-k, ula d win id Qqareḍ isebbel-iten wul-iw akka am nekk i asen-teḍra, temẓi win yeččan kra ad t-id-yeɣrem neɣ ad t-ixelles
Buɛfif: Welleh ar zemren
Mḥend uccen: D tamara ma mačči akkihin, ini-aɣ-d amek?
Buɛfif: Ur ẓriɣ ara Mḥend uccen: Win izeggiren leɛqel di ğğin yeγli Lemṭenṭen: Dayen tura
Buɛfif: Yessenhez aqerru-s
Amerɣud: Dacu i ak-d-inna Lemṭenṭen: Tura aten dewwer akken nniḍen
Mḥend uccen: Amek?
Lemṭenṭen: Iger yuɣen ad yuɣal d ayla-k
Mḥend uccen: Amek d ayla-w? Amerɣud: D ayla-k
Buɛfif: Tagi telha ad iyi-iwret ur mmuteɣ, tamazirt n wacḥal ad trebḥeɣ s taḍsa
Amerɣud: Tamazirt naɣ aqerruy-ik Mḥend uccen: Aqerruy-iw neɣ tamazirt
Amerɣud: Mačči kifkif, ma d netta ara tt-id-yawin ad tmerreg.
Buɛfif: Amek?
Lemṭenṭen: Ad temteḍ
Buɛfif: Argaz yenna-ak ad tuɣaleḍ d lewzir
Lemṭenṭen: Akka inuɣal akka nekkni (yettaḍsa)
Amerɣud: S wacu?
Buεfif: S yiman-iw
Lemṭenṭen: S baba-k baba-k ad ak-t-ineɣ neɣ ad as-tenɣeḍ
Buɛfif: D agellid yerna yeskiddib Amerɣud: Yeqqur wul-is ak akka Mḥend uccen: Ad uɣaleɣ d nekk id baba n tmazirt (yugad yessetḥa) a ruḥ ad uɣaleɣ, ih d Bab n tmazirt Lemṭenṭen: Deg wass-a d asawen tamazirt i ynek a Mḥend, akka? Mexnečč: Waqila (yesseɛraḍ iman-is ɣer ukersi nni amek ara yeqqim, amek ara yili ma ara yali) Mexnečč: Amek mex…nečč (ad iḍes) Wali rrasa n baba-s n yemma-s…Ah! Acimi? Yenna akka d asawen sfeḍ deg wallaγ-ik waqila, ad tafeḍ wissen ….ulac wissen, Aya ɣiwel netta kra yeshetrif akk, lweswas yettxezzir-it-id yesbegen-d iman-is Lweswas: Mazal
Mexnečč: Ih…limer d lebɣi
Lweswas: Ah! D acu i yellan Mexnečč: Awal yewweḍ Lweswas: Ad nwali Mexnečč: Kečč tesneḍ amerɣud, limer ad tissineḍ Lemṭenṭen yerna ass-a iban-iyi-d Mḥend uccen ɣer ger-asen
Lweswas: Tefra
Mexnečč: Amek i tefra
Lweswas: D isem-is i d awal-is Mexnečč: Kukraɣ Buɛfif-nni
Lweswas: Buɛfif ad yeddu akken nebɣa, yak Tesfehmeḍ Lemṭenṭen? Mexnečč: Awal s wawal
Asekkir 10
– Asayes 1
Aberraḥ yendeh
Agellid: Amek i d nenna, nenna-d aseggas-a ulac tayerza akka!
Tajmaɛt: Ih akka.
Agellid: Ahat tennam-as wagi yebɣa ad aɣ ineɣ (Tasusmi)
Agellid: Bɣiɣ ad taɣem tannumi d llaɣ u ma iqedder-d Rebbi fell-aneɣ ad nissin amek ara t-Nemmager, atan ur temmutem ara sber d aḥbib n Rebbi teffeɣ-d taḍat ger yimdanen s tufra-Limer telliḍ ger aneɣ
Lewzir: Aniwa i d-yennan akka aniwa? (Tasusm)
Lewzir: Tugim ad d-tinim? Aya iwehha ɣer iserdasen sekkren yiwen iteddu yettɛeggiḍ (mačči d nek, mačči d nekk)
Agellid: ihi taddart akk ula yiwen ur yekriz ala yiwen yessemɣ-id iger melba ma yeqqen tayuga ma yekrez ma yenqec teẓram akk aniwa.
Tajmaɛt: ttemtillin deg way gar-asen Aniwa-t wa ?
Agellid: Buɛfif
Buɛfif: Ala ay agellid iger i d yemɣin mačči inu
Lewzir: Amek mačči i ynek! wi t-ilan ih? Mačči n wen tamazirt
Buɛfif: Zik nneɣ maca ččan-aɣ-tt di lɣerm
Lewzir: Wi t-ilan ihi a Bab-is?
Mḥend uccen: D nekk
Agellid: Amek i ak qqaren?
Mḥend uccen: Nekk d Mḥend uccen
Agellid: Isem-ik Mḥend uccen! iban baba-k yugar uccen d wuccen
Mḥend uccen : Ma d nekk ur tessineɣ ara ma d wid i as-d-yecfan ruḥen.
Agellid: Anida ruḥen?
Mḥend uccen: Mmuten
Agellid: Ini-d mmuten ini-aγ-d ṭra amek i d-Tessemɣiḍ iger fiḥel ma teqneḍ izgaren ?
Mḥend uccen: Akken d qqaren yiwet n tallit: Akken yuɣ-d waṭṭan n ubeqri kra i d-yufa d abeqqri yenɣa-t drus akkya i d yeqqimen, yiwen tayuga-s teslek, aya yekrez i yat taddart yal yiwen ikrez-as-d yiwen wass sin wussan,yella yiwen ur ittemlaɛi ara yid-s,tella ger-asen temgerṭ, Bab n tyuga yettgani ad t-issuter winna yettgani ad as-d yekrez fiḥel ma yenna-yas d tagnitt ad msemmaḥen tekker teqqim akken, Winna ur nesɛi tayuga yiwen wass yewwi zerriɛa yekka-d i tmazirt s wadda yezreɛ.yenna-yas deg uli-s: Ahat fiḥel ma icawer iyi-d nek ur ttruḥuɣ ɣur-s, netta ur d-ittruḥu, maca tamazirt ur telli inu ur telli ines n bab n leqwaɛi d igenwan dɣa yettawi lmal ɣer din ikes acḥal…winna ur as-yenni, win ur d yusi teqqim. Assen iɛedda lḥal, yiwen wass yesfaq-it-id yiwen yenna-yas : ad ibarek Rebbi, ay iger-nni ynek iṣab. Yenna-yas: Aniwa iger,Yenna-yas: Tamazirt n yeẓraren.Yenna-yas: D asuki, welleh ma tres tgersa dinna yuɣal win i as-d iburken yewhem yenna-yas: Nekk ihi, ɣileɣ tkerzeḍ-tt atan ihi d tiyedrin dɣa ula d nekk akka i giɣ yemɣi-d yiger
Akli Tamazirt