Nnan at zik s izik aẓar ijebbed ɣer tara, nebla aẓar ur tgem tara, ulama tegreḍ-t deg waman, acku ayen ɣef i tebded tilin ur yelli-ara. D alammi ɣas akken nekk-ad seg yiwen, maca tameddurt terra-aɣ ɣef waṭas, amzun akken ur d nekki seg-yiwen.
Aya d ayen ara ad d-naf yurez ɣer tikli n yal yiwen.ama deg yiman-is ɣer yiman-is, neɣ deg yiman-is ger wiyaḍ, yal yiwen d tudert.
Agellid: Atan wis sin ibaned yak nnan d ṭṭiq i d-yettban urgaz, ass-a nelmed-d tamusni ɣur-k ɣer ddurt nniḍen
Lemṭenṭen: Aziɣ ur ak-semman ara Mḥend uccen alami i d uccen Mḥend uccen: Yak akka i nemsefham
Amerɣud: Amsefham yettawi γer tafat, atan kečč Tẓegreḍ tiṭ fell-ak Mḥend uccen isellek-itt yerna d tidet
Mḥend uccen: Ih! Limer ad d-nini ayen yella taserdunt ad taru mmi-s akken i as-yenna ayen yettɛebbi wallaɣ ur as-zmirent tuyat, diɣ netta ayen ijemmeɛ wul ur t-id-qeṭṭɛent ara wallen, anef Kan anef
Lemṭenṭen : I tinna n ddurt nniḍen
Amerɣud: S talwit
Mḥend uccen: Nqed i txeddem tssusmi
Asekkir 11
Asayes 1
Agellid d Mecḥuḍ
Agellid: Dacu i tennam?
Mecḥuḍ:Ay agellid tamussni mačči n yiwen yal wa d acu yessen amek yessen anida Tessaweḍ tmusni-s
Agellid: Buɛfif,yeɣli Mḥend uccen yuli, maca ayen i d-iyi iswehmen d akken Buɛfif ɣas ahat d ayen ara t-id-yessiwḍen ɣurneɣ ad yili gar-aneɣ maca tidet d tidet Mḥend uccen yettmeslay, yessen i tmucuha
Mecḥuḍ: Akken yebɣu yissin tamussni-k tugar tiyiḍ
Agellid: Win yessnen ad illem awal fella-s awal. ur tnessgugem i-aɣ-d-ittnawal
Mecḥuḍ: Win i telmen awal ulman ur llin d awal (awal ara t-yernun d awal) Aεlaw ur t-iẓeṭ Wawal, awal ma ɣezzif yeffel, ayen yefflen ur d i ttuɣal
Lweswas: Akken bɣun telmen awal s nnig-wen yiwen ur d iffal
Agellid: Ah! D acu i d-iyi-ğğan d nek i k-yeğğan. Ah! Awit-iyi-d amsfuğeɣ-nni
Lweswas: Winna anef-as i nekk mi yekfiɣ yid-s ad ak-t-id-awiγ. (Agellid yeffeɣ)
Asayes 2
Lweswas: Atan a mmi bunu bubbeɣ
Mecḥuḍ: Lxil i t-yernan d ttxil. Skecm-d
Lweswas: (lweswas yendeh mexnečč ikecem-d) Awi-d dda argaz-nni Mexnečč yeffeɣ imir ataya qqnen-t-id, win-t-id di snesla
Lweswas: Ah! ula da s snasel izem ur yettwaqqan ara fsit-as ɣiwel (iserdasen fsin-as snasel)
Mecḥuḍ: Amek a alfahem
Buḥu: Ur fhimeɣ ara
Lweswas: Amek ur tefhimeḍ ara
Buḥu: Dayen lefhama iyi-d-yeqqimen teffeɣ
Lweswas: Ur tesseḍḥaḍ ara, ur tenneḥcameḍ ara? Tegezmeḍ-as-d awal i ugellid? Ah!
Buḥu: Mačči d nekk
Lweswas: Amek?
Buḥu: Ur ẓriɣ ara
Mecḥuḍ: Isem-ik?
Buḥu: Buḥu
Mecḥuḍ: Messxeḍ! Mesxeḍ ahya amesxeḍ a gma
Buḥu: Mačči d nekk wellah, ad awen-d galleɣ anida Tebɣam s wayen tebɣam ma d nekk
Lweswas: Aniwa ih!
Buḥu: Ur ẓriɣ ara
Lweswas: Teɣriḍ?
Mecḥuḍ: Twalad! Akken ad d-tefɣeḍ ad tessutreḍ Ssmaḥ ddurt i d-iteddun ad tiliḍ d amenzu yerna ger medden
Buḥu: A ruḥ
Asekkir 12
Asayes 1
Lweswas d Mecḥuḍ
Lweswas: I ddurt-a amek?
Mecḥuḍ: Ad tazneḍ i lemṭenṭen ad as-t-iniḍ(ad ffɣen)
Buɛfif: I tura amek ara nexdem?
Lemṭenṭen: Hib d nekk, neɣ d Amerɣud
Mḥend uccen: Amek?
Amerɣud: Tamsalt ẓẓayet yewwi-d ad as-nemcawar akken nella
Lemṭenṭen: Aql-aɣ akk da
Amerɣud: Ad nemsefham d yemeddukal amek i yettwalin tamsalt
Mḥend uccen: Amek ara ten-aweḍ?
Amerɣud: Ur ttayset ara d nutni ara d-yesteqsin
Lemṭenṭen: Akken yebɣu yili a yewwi-d ad nemlil yids-n
Mḥend uccen: Tamuɣli-w maca nekk werɛad
Buɛfif: Ala nekk i yzewǧen iban d nekk ini-d kan
Lemṭenṭen: Atan diɣ! i tura d kečč ara iruḥen? kečč tzewğeḍ wamma nekkni tura ad nadi tameṭṭut ad tt-nessefhem, ma yella ad tefhem
Amerɣud: Ma d tameṭṭut i d aɣbel, ad awiɣ yemma Neɣ wetma, maca…ima yella akken-nniḍen
Lemṭenṭen: Ata! Mexnečč
Amerɣud: lweswas
Amerɣud: Ah! Ur k-yuɣ wara? Tbedleḍ
Lweswas: Akka i d akka i kunwi ur ken-yuɣ ara
Amerɣud: Ata wa d Buɛfif, Mḥend Uccen, Lemṭenṭen
Lweswas: Ula d nekk ata mexnečč
Amerɣud: Tufiḍ-aɣ-d nettmeslay amek ara…
Lweswas: Kan akka s temɣawlaTiririt n Buɛfif, nwala d acu-t maca ur d-neqqar ara,twalaḍ, Baba-k nemsefham yid-s, Ayen ara ad yini ini-t-id, d aɣen nwala tameṭṭut ik nesfehem-itt, ula d nettat tecreh ad nṭel Rebbi ad aɣ-yesser
Buɛfif: Amek tameṭṭut, baba
Lemṭenṭen: Yak nenna-ak
Buɛfif: Baba!
Lweswas: Dda Ḥemmu n At Muḥ d awezlan d…d
Buɛfif: Dayen
Lweswas: Feṭṭa Nna lwiza
Buɛfif: Dayen dayen
Lweswas: Ihi akka nqed i txeddem tssusmi Iruḥ
Amerɣud:
Buɛfif: Bubbeɣ ar uzekka
Asekkir 13
Asayes 1
Tajmaɛt di lɣaci am tiẓẓit
Agellid yessaweḍ-d awal yezqef, tagnit tuyes, aniwa akka ara d yesdukklen tamment d lḥentit deg yiwen wegdur yerna yalwa yefren iman-is yenṭeq ugellid ɣer at taddart
Agellid: Ah! Yella win d yewwin tirirt ɣef temsal i d-ssutreɣ, neɣ ulac?
Yiwen: Aḥbib d wesdiq fessusit fell-aɣ, i ẓẓayen d wis tlata
Wayeḍ: Ula d kečč yella win izemren ad d- yawi Aɛdaw-is…!? Aɛdaw, d aɛdaw
Wayeḍ: Ihi wagi, yebɣa ad iẓer ayen ur nettmeẓran
Agellid: Amek? Ulac win yesɛan deg-wen aɛdaw Temyeḥmalem akk! aya dayen yessefraḥen d ta i d tagmat s timmad-is akka tura, umneɣ belli azekka nneɣ yebda yettbini-d ass-a d tafsut i yaɣ-d-iteddun
Mḥend Uccen: Tura ad twaliɣ ma d tafsut neɣ, d tagrest aḥeggan werɛad yeffiɣ
Lemṭenṭen: Atan waqila yexdeε lefḥel-nni
Amerɣud: ḥedrut-id
Lemṭenṭen: Bezzaf iɛeṭṭel
Lewzir: Tasusmi
Agellid: Ulac win ara d-yerren? ad tt-neɣ akka? (Tasusmi)
Agellid: Ah! Tewweḍ tyuga s ixef n tririt d ayen ẓẓayen, maca ayen ẓẓayen fessus fell-aneɣ ula d nekk ur tufiḍ n weɛdaw i sɛiɣ am kunwi, aɛdaw-nneɣ d llaẓ, ad nesfel i yiɣallen-nneɣ ad t-nerreẓ daya, ad tt-neğğ akka,yejba-d Buɛfif s weɣyul d weydi d tmeṭṭut-is At taddart wehmen temwexxaren
Agellid: Yella umaynut .d tikkelt tamenzut i deg ara Waliɣ deg unejmuε tameṭṭut ula d lmal
Akli Tamazirt