Deg waṭas yid-sen i d-ɛewwlen i uheggi n tmeɣra tamxaleft ara yexdem Zimu Murad di tzeqqa umezgun Archipel di Lpari ass n 26 di mayu i d-iteddun ɣef 19H30 d tusawent. Cuban tiwizi akken sdukklen iɣallen-nnsen, awi-d kan ad tili d tafenṭazit. Yyat ad teddum, ad nwali amek i s-ttheggin i tmeɣra-yagi ak d Wakli Ait Salaḥ.
Aɣmis n yimaziɣen : Zimu di lpari d lebɣi n wacḥal iseggasen-aya maɛna almi d tura i d-ɛewwlem i tmeɣra-yagi. Amek teddun lecɣal-nnwen? s anda tesleḥqem? Imi neḥsa belli Zimu ur uɣen ara tannumi medden ttwalin sur scène, d ayen i yernan sser i tmeɣra-yagi.
Akli Ait Salah: Tameɣra i d-nhegga attan am nnwal n tɛewwajt, ad tṣebrem cwiṭ, ad teččem ayen yewwan. Zimu atan ara yettheggi iman-is netta d les musiciens ines, ma d nek d yemdukal nelha-d d usiweḍ n lxebar i yal yiwen.
D ccɣel i wumi kkren ak yemdukal ad sen-ibarek Rebbi.
. Nger tamawt deg uheggi-nnwen i tmeɣra-yagi, iɛawen-iken aṭas ttawil-agi n facebook icuban azeṭṭa gar at amurt d yeɣriben nneɣ akken ma llan. Tessawḍem ad tefkem ajdid deg yisallen i medden merra, yal ass,dayen ahat i wen-yernan afud di leqdic-agi nnwen.
.Internet ass-a tuɣ deg-s teqbaylit s tehri. Di yal ṣṣenf n tẓuri tefka-as tafat. Tajmilt i wid i ixeddmen les sites, i ɣ-yeslemden tira akka am Murad d wiyiḍ…facebook abeɛda twalaḍ d azeṭṭa n tissist, yuɣ-d ak timura, ihi ula d nekni nezmer ad t-nessexdem i teqbaylit ad aɣ-yili d amɛiwen. Twalaḍ ayen yeḍran akken di tmurt def udfel-nni, syin i d-ssawalen lɣaci i wiyiḍ. Ihi imi tenniḍ facebook-agi yuɣal-aɣ d tajmaɛt, ar din kan i nettḍilli ma yella kra n wejdid. Ass-a, atan s ɣur-naɣ ɣef tmeɣra n Zimu.
.Uqbel kan ad nessali, Ccna n Zimu d tamxaleft ama deg yimeslayen ama di lmusiqa-s, diɣ netta ula d aheggi i s-theggam d amxalef. D acu ara tiniḍ i wid merra ara d-yasen ad ḥedren i tmeɣra-yagi, i Zimu ara ten-id-yesduklen di Lpari?
.Am wakka i d-tenniḍ, Zimu ixulef ihi ula d aheggi ixulef. Ad neɛreḍ ad nheggi tallit anida wid ifuden ccna taqbaylit, ccna abaḍni, ccna n lmeɛna, ad mlilen d win ɣemleɣ azal n kra n tsaɛtin.
Daggi di Lpari, bexlaf kra n tmeɣriwin yufraren, lɣaci ɛyan di ccḍaḥ n yal ass. Yelha tikwal… Ihi Zimu seg wid izeṭṭen awal d ibernyas, d win yefkan azal i uẓawan d wawal, ixuṣ-iyi wawal akken ad weṣfeɣ Murad ad as-d beddleɣ i yiwen wawal n Paul Valéry, aya yennat ɣef usefru: « Poème: cette hésitation prolongée entre le son et le sens » daɣ nek akken Zimu: cette hésitation prolongée entre le son et le sens
Wid ara d-yasen ad d-afen nhegga-asen tallit ideg ara mlilen d Zimu, ur ttendemayen ara imi aqlaɣ ur neǧǧi taɣawsa. Ad asen-yehwu lḥal, ad asen-iniɣ yyaw ma ad teddum!
Testeqsa-t : Zira,