Lamri Wahid ( d anelmad di tesdawit n Tubiret) :
D iseɣ i ugezdu n Tubiret ama s kra yellan d amaziɣ da di temnaḍt-a ladɣa mi, nettekki deg leqdic-a. D ayen ara yesnernin deg yidles amaziɣ. Nessaram d ayen ara d-yuɣalen deg yiseggasen i d-iteddun. Amennuɣ d tira !
Mohamed Ghobrini ( d aneɣmas, d amaru) :
Taɣawsa tamezwarut i nwala dakken aṭas i d-yusan ɣer rreḥba-a. Nekni s yimyura d tikkelt tamenzut i nessenz aṭas n yidlisen yuran s tmaziɣt. Win iyi-yecban, ayen akk i d-wwiɣ n tektabin yenza, d ayen yessefraḥen. Tis snat, timlilit teffeɣ-d s yiwen n uwellih ayen ara yeǧǧen Tubiret ad tuɣal deg yiseggasen i d-iteddun d tamaneɣt n udlis amaziɣ.
Studio double voice neɣ ( les mučuču) :
S kra n wayen i d-newwi yenza. Rreḥba-a tessaweḍ tessemlaleɣ d waṭas n yimdanen anda i aɣ-tessunefk tegnit ad d-nbeggen ayen akk i nexdem. Ɣas akken d les Mučuču i yettwasnen s waṭas, maca walan medden črak, Dda spilu d Monde Narnia, iqjan imcac, Ali d Waɛli akked Kiki.
Hafid.B (d ameɣnas):
Rreḥba-a d tagnit i temlilit n yimura d wid yeqqaren. Taɣuri n tektabin d tin ineqsen s waṭas di tutlayin irkelli mačči kan di tmaziɣt, maca s temliliyin yecban ti, mebla ccekk ad d-yuɣal udlis s amkan yeṭṭef zik.