Aɣerbaz n Targa Uzemmur -Amaynut yexdem tameɣra n taggara n useggas. Iselmaden d unemhal heyyan-d kra n yinelmaden akken ad swejden leqdic-nsen iwatan .Ddurt iɛeddan cnan-d tuɣac n teqbaylit tafransist d taɛrabt, am wakken i d-xedmen yiwet n tceqquft n umezgun s teqbaylit d snat nniḍen s taɛrabt, rnu ɣer waya ayen i d-icebḥen taqaɛet d asedder, ɣas akken d igerdan imectaḥ maca ayen xedmen yugar leɛmer-nsen. Anemhal n uɣerbaz mass Buleqrun Mesṭafa, yeɛreḍ-d ɣer tmeɣra-ya yiwen n uselmad n uɣerbaz i d-yusan seg Tizi Wezzu. Aneggaru-ya yewwet-asen asanti, yextar kra n yinelmaden yewwi-ten ɣer tesdawit n Bgayet anida i d-cnan kra n tuɣac deg yiwet n tmeɣra ideg s-tuɣal tejmilt i lmerḥum Meɛṭub Lwennas ilmend n usmekti wis 14 n tmenɣiwt-is.
Soraya Rabia