Ugur n usizdeg n temdint n Tizi wezzu, ladɣa tamdint tajeḍiṭ i yella di yir ḥala, ledwar-a ineggura: d iguduyen di yal tama.Ɛla ḥsab imeḍebber amenzu n tɣiwant taswiɛt ad tbeddel si sya ar zdat. Yannak belli mbaɛd mi d-yella usefsex n leɛqed d tkubanit tafernsist Nicolin, I yuɣ lḥal tewwi asenfar-a s wazal n 56 imelyaren n sentim, d tikubaniyin timeẓyanin n usizdeg i d-yettewabeden s tawil n Ansej d La CNAC i wumi ara d-saḥ usenfar. Aya ad d-yili mbaɛd mi ara yettewaselek uheggi n le cahier de charge amaynut ara yesemḥen beṭṭu n yisenfaren-a gar tkubbaniyin timeẓyanin s tawil i wumi qqaren tigzirin neɣ les « ṭlots » ilmend n usizdeg akken i iwata n tmdint. Ad d-ner tamawt belli aɣbel n usizedeg n temdint n Tizi wezzu, ladɣa tamdint tajḍiṭ d win yerẓan aqerru n yemḍebren ur d as-d-nufi tifrat. Acku taɣiwant n Tizi wezzu tessufuɣ-d gar 110 d 140 ṭun n yiḍuman. Tamdint tamayenutt (Nouvelle Ville) weḥd-s tessufuɣ-d azal n 55 tun n yiḍuman yal ass.
Dalila I.