Akken amdan ad iẓer belli ur d-ittas kra mebla laεtab.
Qqaṛṛen yiwen ufellaḥ ikker-d ṣṣbeḥ inṭeq ar temγart-is:-A tameṭṭut ayγer akka ur d-ukin ara warrac, atan qṛib d azal?
Tamγart:-Ugin ad kkren εyiγ deg-sen. Ikker umγar iruḥ a ten-id-isakwi nnan-as:-Assagi naεya γur-neγ lḥeq a nestaεfu.
Amγar:-S tidett γur-wen lḥeq maca ccγel d netta iγ-iḥekmen ilaq a nfaṛes ussan n ṣṣḥu.
Arraw-is:-Assagi nenna-d d astaεfu.
Amγar:-Akka?
Arraw-is:-Akka.
Iruḥ umγar inṭeq γer temγart-is:-Ass-agi a tameṭṭut, γur-m anida d-tettheggiḍ d imekli neγ imensi.
Ileḥq-d lweqt n yimekli, usan-d warraw-is ad fetṛen, ufan-d ulac, neṭqen γer yemma-tsen:-Ayγer akka a yemma ulac imekli?
Yemma-tsen:-Yugi baba-twen.
Ruḥen γur-s:-A baba acimi akka tḥebseḍ yemma-tneγ γef imekli.
Amγar:-Nnaγ ass-a d ass n ustaεfu? Ihi kullec ad istaεfu, tamγart ad testaεfu, tislit kif kif, tugi neγ tacuyt taεya deg usebbwi ad testaεfu, lkanun kif kif ad istaεfu.
Yeḥya Yanes. (Yahia Yanes)