Segmi yebda waggur n remḍan, srabes n tmehla n tjara rzan ɣer wugar n 604 n tḥuna yemxallafen. Tufɣa-agi tusa-d deg lawan anda ssuma n yisufar ur tettuqader akked yimukan anda i ttwaxdamen neɣ i ttnuzun yisufar-a d ayen i izemren ad d-yawi lemḍerra tameqrant i yimdanen. D ayen yessawḍen srabes-agi ad medlen azal n 12 n tḥuna d usɛeddi s axxam n creɛ n wazal n 190 n yikaramen. Am wakken daɣ i ssawḍen ad jemɛen ama d aksum n yiyuzaḍ neɣ azeggaɣ akked d kra n yisufar-nniḍen.
Ɣer tama n waya, aṭas n yimetyaren ara yettuɛaqben imi ur qudren ara isuḍaf n ubeggen n yisufar d tezdeg, imi tasqamut yettukelfen s waya tesseḥres mačči d kra ɣef yidis-a n tezdeg d trusi n yisufar di berra i yiṭij d uɣebbar.
Ma d ayen yerzan asexdem n yisuḍaf yecban abeggen n ssuma n yisufar, lbiɛ n kra n tɣawsiwin mebla ttriḥ, d addud deg wudem n wid ara yettnadin di taluft-a, azal n 115 n zmamat i yettucegɛen s axxam n creɛ.
Ɣef leḥsab n wayen i aɣ-d-yewḍen n yisallen seg tmehla n tjara, seg umenzu n remḍan, 35 n trebbaɛ n unadi d lɛessa i yettwasbedden, aya iwakken ad ḥarbent ɣef tezmert n yimdanen.
S. M.