Ɣef wakken i d-txebbeṛ tenmehla n tenzut n Bgayet, srabes n tenmehla-ya gren-d iman-nsen azal n 1259 n tikkal segmi yebda wayyur n remḍan anda ṭṭfen 494 n liḥalat n war aqadeṛ n leqwanen n tenzut i jerden srabes-a yettkeflen s uḥareb mgal ttjaṛa yeffɣen i lqanun. 90% seg liḥalat-a i yettwajerrden ɛeddant ɣer ccṛeɛ. Aḥezzem-a n ssrabes n tenzut yegla-d s uɣlaq n 44 n tḥuna d ujmaɛ n wazal n 1564 Kg n yisufar n wučči yettwaɣen, isufar-a azal-nsen d tadrimt 20 n yimelyun n ssantim.
Am wakken daɣen i jemɛen srabes-a aṭas n sselɛa ur nesɛi ara tafakturt, azal-is 211 n yimelyun n ssantim.
M.C.