Azal n 208 981 n yinelmaden n yeswiren yemgaraden ara yaɣen ibardan n yiɣerbazen di lwilaya n Tizi wezzu, gar-aneɣ d kra wusan, imi anekcum aɣurbiz d win ara d-yilin deg 9 ctember i d-iteddun. Ttawilat d wid i tehegga tnemehalt n leqraya n lwilaya, imi azal n 882 n yiɣerbazen ara yelin tiwwura nsen. Aya deg lawan ideg 48 n iyiɣerbazen n weswir amenzu ad qqimen bellan tiwwura nsen s sebba n lixsas n yinelmaden. Maca lan kra n wid yilin tiwura nsen mbaɛd aṭas n yisenggasen. Garasen aɣerbaz amenzu n taddart Ixliǧen, di tɣiwant n larebɛa Nat Iraten. Si tama niḍen, ad nar tamawt belli lan kra n tesenawiyin i igren imekwan n tguni neɣ les dortoirs, d tzɣwa n leqraya s sebba n lixsas i yellan, amedya d taseawit n Tizi Ɣenif, Asi Yusef d Tizi Netlata. Ma d inelmaden n tesnawit n Friḥa i yettwaredmen, ad ruḥen ṣer sin n yiɣerbazen n weswir alemmas, deg laɛḍil deg ara d-yilli lebni n tesnawit tamaynut. Ad nger tamawt belli 651 n yiɣrbazen imenza ara yellin tiwwura nsen i wazal n 5890 n yinelmaden, am akken ara tili tulya n 175 n iɣerbazen n weswir alemmas I 71 361 inelmaden d 56 n tesenawiyin I 45 078 inelmaden.
Dalila I.