Yaristan d anelmad deg uγerbaz amenzu ‘’MIMOUN Moh Arezki’’ n temdint n Tizi Uzzu. D yiwen uqcic i yesduklen leqraya akked waddal imi yewwi aseggas-a talγuγa taγelnawt n’’Jeux d’echec U8’’ u d anelmad i iḥercen aṭas di leqraya-s. Σlaḥsab n tselmadt-is Massa Belahcene, iḥemmel u yeẓwer aṭas, ladγa, di tusnakt (Maths). Mačči d tikelt tamezwaruy i d-yufrar uqcic-agi i ilulen deg 24/11/2004 : dγa deg yiseggasen n 2010 d 2011 yewwi talγuγa n lwilaya n Tizi Uzzu, deg 2011 yewwi amḍiq amezwaru n tfaska di Sidi Bellabes. Ma deg useggas n 2012, yewweḍ γer tqcuct imi yewwi talγuγa taγelnawt. Am wakken i d-yenna baba-s n unelmad-a :’’ Jeux d’echec-agi neγ addal s umata d aεiwen i ttεawanen inelmaden di leqraya nsen, mačči d aεewwiq akken i tt-ḥettben kra. Ihi, a win yufan ad tt-fehmen yimawlan n yinelmaden, ad εiwnen arraw nsen deg wayen ḥemmeln’’ Nessaram-as i Yaristan amecwar igerrzen, mazal lxir γer sdat akked d talγuγa n ddunit. Tanemmirt i gma-s Misignas i as-d-yellan di lmendad.
Hocine. M