Dayen yessewhamen : γer wanda tetten warraw nsen i ṭeggiren yimezdaγ iḍuman nsen. (tugna-a temmal-d lewsex γer tama n usečču « La cantine ») deg uγerbaz ‘’MIMOUN Mouh Arezki n temdin n Tizi Uzzu.
Imḍebbren n uγerbaz-a, zgan d acetki γer tγiwant n Tizi Uzzu i wakken ad yettwakkes wanect-a meεna yal tikkelt d acu n tezlit i asen-d-ttawin. Ussan ttεeddin, agudu yettzidi akken tettnerni tugdi γer yinelmaden akked yimawaln nsen imi ugaden ad ṭṭfen aṭṭan si lewsex-agi. Ddurt-agi iεeddan, dγa, imi iruḥ Mass AMIROUCHE, imḍebber n lmakla deg uγerbaz-a γer tγiwant n Tizi Uzzu i wakken ad icetki, iqubel-it-id yimḍebber yeṭṭfen ttawilat-agi n usufeγ n yiḍuman s yir udem. Σlaḥsab n Mass AMIROUCHE i as-yennan ilaq ad tekksem lewsex-agi mulac imawlan ad γelqen lakul, yenna-as-d Mass FERROUDJ :’’ma llan d irgazen ad t-γelqen dγa.’’
Akken i d-tenna yiwet gar tyemmatin n yinelmaden :’’ yerna uγalen-d yimḍebbren-nni n tγiwant sbedden-d iman nsen γer lbuṭ !!!’’.Nessaram kan ad tefru taluft-a uqbel ad d-teḍru twaγit.
Hocine. M